'வலிமை' படத்தில் அஜித்தின் இண்ட்ரோ சாங்: யுவனின் மாஸ் அறிவிப்பு!
- IndiaGlitz, [Wednesday,February 10 2021]
தல அஜித் நடிப்பில், ஹெச்.வினோத் இயக்கத்தில், போனி கபூர் தயாரிப்பில் உருவாகிவரும் பிரம்மாண்டமான திரைப்படம் ’வலிமை’. நீண்ட இடைவெளிக்குப் பின்னர் காவல்துறை அதிகாரியாக அஜித் நடித்துள்ள இந்த படத்தில் அதிரடி ஸ்டண்ட் காட்சிகளிலும் சேசிங் காட்சிகளும் உள்ளன என்பதும், ஆக்சன் பிரியர்களுக்கு விருந்தாக அமையும் இந்த படம் ஹாலிவுட் தரத்தில் உருவாக்கப்பட்டு வருகிறது என்பதும் குறிப்பிடத்தக்கது.
இந்த நிலையில் ’வலிமை’ படம் குறித்த அப்டேட்களை படக்குழுவினர் தரவில்லை என்றாலும் அவ்வப்போது இந்த படம் குறித்து கசிந்து வரும் தகவல்கள் சமூக வலைதளங்களில் வைரலாகி வருகிறது என்பது தெரிந்ததே.
இந்த நிலையில் தற்போது ’வலிமை’ படத்தில் இடம்பெற்ற அஜித்தின் இன்ட்ரோ சாங் குறித்து இந்த படத்தின் இசையமைப்பாளர் யுவன் சங்கர்ராஜா அவர்கள் ஒரு அறிவிப்பை வெளியிட்டுள்ளார். இதன்படி ’வலிமை’ படத்திற்காக நடிகர் அஜித்தின் இன்ட்ரோ சாங் தயாராகிவிட்டதாக யுவன்சங்கர்ராஜா அறிவிப்பு செய்துள்ளார். இது ஒரு சரியான மாஸ் சாங் என அவர் நெகழ்ச்சியுடன் கூறியிருப்பதை அடுத்து இந்த மாஸ் அப்டேட்டை அஜித் ரசிகர்கள் கொண்டாடி வருகின்றனர்.