పవర్‌స్టార్ ప‌వ‌న్‌క‌ల్యాణ్ హీరోగా శ్రీరామ్ వేణు ద‌ర్శ‌క‌త్వంలో రూపొందుతోన్న చిత్రం ‘వకీల్‌సాబ్‌’. బోనీక‌పూర్‌, దిల్‌రాజు నిర్మాత‌లు. లాక్‌డౌన్ త‌ర్వాత ఈ సినిమా షూటింగ్ రీస్టార్ట్ అయ్యి కంటిన్యూగా కొన‌సాగుతోంది. ఈ సినిమా మేకింగ్ విష‌యంలో నిర్మాత‌లు లీకేజీ రాయుళ్లు తెగ ఇబ్బంది పెడుతున్నారు. ఈ సినిమా సెట్స్‌కు సంబంధించి ప‌లుమార్లు ఫొటోలు నెట్టింట హ‌ల్ చ‌ల్ చేశాయి. తాజాగా ప‌వ‌న్‌క‌ల్యాణ్‌, శ్రుతిహాస‌న్ కాంబినేష‌న్‌లో చిత్రీక‌రిస్తోన్న స‌న్నివేశాల‌ను సంబంధించిన ఫొటో ఒక‌టి ఇప్పుడు బ‌య‌ట‌కు వ‌చ్చింది. ఈ ఫొటోలో ప‌వ‌న్ క‌ల్యాణ్, శ్రుతి హాస‌న్ చేయి చేయి ప‌ట్టుకుని ఉన్నారు. అలాగే ఇది పాట చిత్రీక‌ర‌ణ‌లో తీసిన ఫొటో అని అర్థ‌మ‌వుతుంది.

గ‌బ్బ‌ర్‌సింగ్‌, కాట‌మ‌రాయుడు చిత్రాల త‌ర్వాత ప‌వ‌న్, శ్రుతి క‌లిసి న‌టించే చిత్రమిదే అవుతుంది. ఇందులో శ్రుతి హాస‌న్ కాసేపే క‌నిపిస్తుంది. బాలీవుడ్ చిత్రం ‘పింక్‌’ రీమేక్‌గా తెర‌కెక్కుతోన్న ఈ సినిమాలో నివేదా థామ‌స్‌, అంజ‌లి కూడా కీల‌క పాత్ర‌ల్లో న‌టిస్తున్నారు. సినిమాను ముందుగా సంక్రాంతికి విడుద‌ల చేయాల‌ని అనుకున్నారు కానీ.. ప్ర‌స్తుత ప‌రిస్థితుల్లో సినిమాను వ‌చ్చే ఏడాది స‌మ్మ‌ర్‌లోనే విడుద‌ల చేసే అవ‌కాశాలు క‌నిపిస్తున్నాయి.