ప‌వ‌ర్‌స్టార్ ప‌వ‌న్‌క‌ళ్యాణ్ టైటిల్ పాత్ర‌లో న‌టించిన చిత్రం ‘వ‌కీల్ సాబ్‌’. బాలీవుడ్ చిత్రం పింక్‌కు ఇది రీమేక్ అనే సంగ‌తి అందరికీ తెలిసిందే. బాలీవుడ్‌తో పోల్చితే దాదాపు డెబ్బై శాతం క‌థ‌లో చాలా మార్పులు, చేర్పులు చేసి సినిమాను తెర‌కెక్కించారు. ఏప్రిల్ 9న సినిమా విడుద‌ల‌వుతుంది. ఈ సినిమా డ‌బ్బింగ్‌ను ప‌వ‌న్‌క‌ళ్యాణ్ స్టార్ట్ చేశాడు. సినిమాకు ఇక రెండు వారాల మాత్ర‌మే గ‌డువు ఉంది. ప‌వ‌న్ డ‌బ్బింగ్ చెప్పే వీడియో ఇప్పుడు నెట్టింట తెగ హ‌ల్‌చ‌ల్ చేస్తోంది. మార్చి 29న ఈ సినిమా ట్రైల‌ర్ విడుద‌ల కానుంది. అలాగే ఏప్రిల్ 3న సినిమా ప్రీ రిలీజ్ ఈవెంట్‌ను భారీగా ప్లాన్ చేశారు నిర్మాత‌లు. ఈ వేడుక‌కు చిరంజీవి, చ‌ర‌ణ్ ముఖ్య అతిథులుగా హాజ‌ర‌వుతార‌ని స‌మాచారం.

ప్ర‌ముఖ నిర్మాత బోనీ క‌పూర్ స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్‌, బే వ్యూ ప్రాజెక్ట్స్ ప‌తాకాల‌పై దిల్‌రాజు, శిరీష్ ఈ చిత్రాన్ని నిర్మిస్తున్నారు. శ్రీరామ్ వేణు ద‌ర్శ‌క‌త్వంలో తెర‌కెక్కిన ఈ చిత్రంలో శ్రుతిహాస‌న్ అతిథి పాత్ర‌లో న‌టించగా అంజ‌లి, నివేదా థామ‌స్‌, అన‌న్య నాగ‌ళ్ల కీల‌క పాత్ర‌ల్లో న‌టించారు. ఈ సినిమా ప్ర‌మోష‌న్స్ ఫుల్ స్వింగ్‌లో కొన‌సాగుతున్నాయి.