‘వకీల్సాబ్’ షెడ్యూల్ మ‌రికాస్త వెన‌క్కి.. ఎప్పుడంటే?
- IndiaGlitz, [Saturday,October 17 2020]
పవర్‌స్టార్ ప‌వ‌న్‌క‌ల్యాణ్ హీరోగా రీ ఎంట్రీ ఇచ్చిన త‌ర్వాత న‌టిస్తోన్న తొలి చిత్రం ‘వకీల్సాబ్’. బాలీవుడ్ చిత్రం ‘పింక్‌’కు రీమేక్‌గా రూపొందుతోన్న ఈ చిత్రంలో ప‌వ‌న్ లాయ‌ర్ పాత్ర‌లో న‌టిస్తున్నారు. నివేదా థామ‌స్‌, అంజ‌లి ఇత‌ర ప్ర‌ధాన పాత్ర‌ల్లో న‌టిస్తున్నారు. వేణుశ్రీరామ్ ద‌ర్శ‌క‌త్వంలో తెర‌కెక్కుతోన్న ఈ చిత్రం కోవిడ్ కార‌ణంగా హోల్డ్‌లో పడిన సంగ‌తి తెలిసిందే. క్ర‌మంగా ఇత‌ర సినిమాల‌న్నీ ఇప్పుడిప్పుడే కోవిడ్ నుండి త‌గు జాగ్ర‌త్త‌లు తీసుకుంటూ షూటింగ్‌ను షురూ చేస్తున్నారు. కానీ వకీల్సాబ్ మాత్రం సాగ‌దీత‌గానే వ‌స్తుంది. అక్టోబ‌ర్ చివ‌ర్లో షూటింగ్ ప్రారంభ‌మ‌వుతుంద‌ని వార్త‌లు వినిపించాయి. కానీ తాజా స‌మాచారం మేరకు న‌వంబ‌ర్‌లో షూటింగ్‌ను ప్రారంభిస్తార‌ట. న‌వంబ‌ర్‌లో రెండువారాల పాటు షెడ్యూల్ ప్లాన్ చేశారు మేకర్స్. ప‌వ‌న్ క‌ల్యాణ్ కూడా అందుకు ఓకే చెప్పేశారు.
ఈ రెండు వారాల షెడ్యూల్‌లో కీల‌కమైన స‌న్నివేశాలు, యాక్ష‌న్ స‌న్నివేశాల‌ను చిత్రీక‌రించ‌బోతున్నార‌ట. డిసెంబ‌ర్ నెల‌లో సినిమా చిత్రీక‌ర‌ణు పూర్తి చేయాల‌నేది మేకర్స్ ప్లాన్. సినిమాను సంక్రాంతికి విడుద‌ల చేస్తే ఎలా ఉంటుంద‌ని కూడా ఆలోచ‌న‌లు జ‌రుగుతున్నాయి.