'వకీల్ సాబ్‌' ప్రీ రిలీజ్ ఈవెంట్ డేట్ ఫిక్స్‌...?
- IndiaGlitz, [Thursday,March 18 2021]
ప‌వ‌ర్‌స్టార్ ప‌వ‌న్‌కళ్యాణ్ టైటిల్ పాత్ర‌లో న‌టిస్తోన్న చిత్రం ‘వకీల్ సాబ్‌’. ప్రముఖ నిర్మాత బోనీ క‌పూర్ స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్‌, బే వ్యూ ప్రాజెక్ట్స్ ప‌తాకాల‌పై దిల్‌రాజు, శిరీష్ ఈ చిత్రాన్ని నిర్మిస్తున్నారు. శ్రీరామ్ వేణు ద‌ర్శ‌క‌త్వంలో తెర‌కెక్కిన ఈ చిత్రం ఏప్రిల్ 9న సినిమా విడుద‌ల‌వుతుంది. ఇప్ప‌టికే విడుద‌లైన మూడు పాట‌లు, టీజర్ సినిమాపై ఉన్న అంచ‌నాల‌ను రెట్టింపు చేశాయి. రీ ఎంట్రీ త‌ర్వాత ప‌వ‌న్ న‌టించిన తొలి చిత్రం కావ‌డంతో అభిమానులు ఆస‌క్తిగా ఎదురుచూస్తున్నారు. ప‌వ‌న్ ఇమేజ్‌కు త‌గ్గ‌ట్లు క‌థ‌లో మార్పులు, చేర్పులు చేసి సినిమాను తెర‌కెక్కించారు ద‌ర్శ‌క నిర్మాత‌లు.
లేటెస్ట్ స‌మాచారం మేర‌కు ఈ సినిమా ప్రీ రిలీజ్ ఈవెంట్ డేట్‌ను యూనిట్ ఖ‌రారు చేసింద‌ని టాక్ వినిపిస్తోంది. ఏప్రిల్ 3న హైద‌రాబాద్ యూస‌ఫ్ గూడ‌లోని పోలీస్ గ్రౌండ్స్‌లో వ‌కీల్‌సాబ్ ప్రీ రిలీజ్ ఈవెంట్‌ను నిర్వ‌హిస్తార‌ట. ఈ ప్రీ రిలీజ్ ఫంక్ష‌న్‌కు మెగాస్టార్ చిరంజీవి లేదా రామ్ చ‌ర‌ణ్ ముఖ్య అతిథిగా వ‌చ్చే అవ‌కాశం ఉంద‌ని అంటున్నారు. శ్రుతిహాస‌న్ గెస్ట్ పాత్ర‌లో న‌టించిన ఈ చిత్రంలో అంజ‌లి, నివేదా థామ‌స్‌, అన‌న్య నాగ‌ళ్ల కీల‌క పాత్ర‌ల్లో న‌టించారు.