తొలి చిత్రం ‘ఉప్పెన‌’తో సెన్సేష‌న‌ల్ హిట్ అందుకున్న యంగ్ హీరో వైష్ణ‌వ్ తేజ్‌. వందకోట్ల రూపాయల గ్రాస్ వసూళ్లను సాధించి ‘ఉప్పెన’ ఓ రికార్డ్‌ను క్రియేట్ చేసింది. ఈ సినిమా రిలీజ్ కాకముందే వైష్ణవ్ తేజ్... రెండో చిత్రంగా క్రిష్ ద‌ర్శ‌క‌త్వంలో న‌టించిన సంగ‌తి తెలిసిందే. ఈ చిత్రంలో ర‌కుల్ ప్రీత్ సింగ్ హీరోయిన్‌గా న‌టించింది. ‘ఉప్పెన‌’ త‌ర్వాత ఇప్పుడు వైష్ణ‌వ్ తేజ్ మూడు నాలుగు సినిమాల‌కు క‌మిట్ అయ్యాడు. వీటిలో ఓసినిమాకు సంబంధించి ఆసక్తిక‌ర‌మైన వార్తొక‌టి నెట్టింట హ‌ల్ చ‌ల్ చేస్తుంది. అదేంటంటే.. వైష్ణ‌వ్ తేజ్ ముంబై మోడ‌ల్‌, హీరోయిన్ కేతికా శ‌ర్మ‌తో జోడీ క‌డుతున్నాడ‌ట‌. కేతికాశ‌ర్మ తెలుగులో పూరీ జ‌గ‌న్నాథ్ త‌న‌యుడు ఆకాశ్ పూరితో క‌లిసి రొమాంటిక్ సినిమాలో న‌టించింది. ఈ సినిమా ఇంకా విడుద‌ల కాలేదు. అంత లోపే నాగ‌శౌర్య హీరోగా న‌టిస్తోన్న ల‌క్ష్య సినిమాలోనూ అవ‌కాశం ద‌క్కించుకుంది. ఈ సినిమా కూడా విడుద‌ల కానేలేదు. అయితే ఇప్పుడు వైష్ణ‌వ్ తేజ్‌తో న‌టించే అవ‌కాశాన్ని ద‌క్కించుకుంది.

‘ఉప్పెన‌’లో వైష్ణ‌వ్‌తేజ్‌తో జోడీ క‌ట్టిన కృతిశెట్టి త‌ర్వాత స్టార్ హీరోయిన్‌గా మారిన సంగ‌తి తెలిసిందే. మ‌రిప్పుడు కేతికాశ‌ర్మ స్టార్ హీరోయిన్‌గా మారుతుందేమో చూడాలి.