கோலிவுட் திரையுலகில் இருந்து சூப்பர் ஸ்டார் ரஜினிகாந்த், உலகநாயகன் கமல்ஹாசன் ஆகிய இருவரும் அரசியலுக்கு வருவது உறுதி செய்யப்பட்டுவிட்டது. கடந்த ஆண்டு தனது பிறந்த நாளில் கமல்ஹாசனும், டிசம்பர் 31ஆம் தேதி ரஜினிகாந்தும் இதனை உறுதி செய்தனர்.

இந்த நிலையில் திரையுலகில் இருந்து இரண்டு பெரிய நடிகர்கள் அரசியல் களத்தில் இறங்குவதால் யாருக்கு திரையுலகினர்களின் ஆதரவு அதிகம் கிடைக்கும் என்ற கேள்வி எழுந்துள்ளது. விஷால், ராகவா லாரன்ஸ் உள்பட ஒருசிலர் ரஜினியை வெளிப்படையாக ஆதரித்துள்ளனர்.

இந்த நிலையில் விருதுநகர் மாவட்டம் ஸ்ரீவில்லிபுத்தூரில் நிகழ்ச்சி ஒன்றில் கலந்து கொள்ள வந்த கவிஞர் வைரமுத்துவிடம் ரஜினி, கமல் அரசியல் குறித்து செய்தியாளர்கள் கேட்ட கேள்விக்கு பதிலளித்த வைரமுத்து, ' ''கமலும் ரஜினியும் எனக்கு இரண்டு கண்கள். இரண்டு பேருமே எனக்கு நண்பர்கள். இப்போது எதுகுறித்தும் சொல்லமுடியாது. அதற்கான கால அவகாசம் வேண்டும். அதன் பிறகு சொல்லுகிறேன்'' என்று கூறினார்.