சகோதரி ஜோதிகாவுக்கு வைரமுத்து கூறிய அறிவுரை
- IndiaGlitz, [Tuesday,February 20 2018]
கடந்த வாரம் பாலா இயக்கத்தில் ஜோதிகா, ஜிவி பிரகாஷ், இவானா நடிப்பில் வெளியான 'நாச்சியார்' படத்திற்கு ஊடகங்கள் மற்றும் விமர்சகர்கள் பாராட்டுக்களை தெரிவித்த நிலையில் கவியரசு வைரமுத்து அவர்கள் தற்போது இந்த படத்தை பார்த்து பாராட்டியுள்ளார்.
வைரமுத்து தனது சமூக வலைத்தளத்தில் கூறியதாவது: நாச்சியார் பார்த்தேன். கலையின் நிகழ் நீரோட்டத்தில் நிற்கிறீர்கள்; பலே பாலா! ஜோதிகாவின் நிமிர்ந்த நன்னடையும் நேர்கொண்ட பார்வையும் காக்கிக்கே ஒரு கர்வம். நீங்கள் தொடர்ந்து கலையில் இயங்க வேண்டும் சகோதரி. தம்பி ஜீ.வி! உன் ஜீவிதத்தில் ஒரு படம் இது; பாராட்டுகிறேன். ஒளிப்பதிவு செய்த ஈஸ்வர்! வெள்ளைக்காரக் கண்களோடு பிறந்த தமிழனப்பா நீ! படக்குழுவுக்கு என் வாழ்த்துக்கள்' என்று கூறியுள்ளார்.
தொடர்ந்து மூன்று ஹிட் படங்கள் கொடுத்துள்ள ஜோதிகா நல்ல கேரக்டர்களை தேர்வு செய்து நடிக்க வேண்டும் என்று ஏற்கனவே நடிகர் சிவகுமார் கூறியுள்ள நிலையில் தற்போது வைரமுத்துவும் அதே கருத்தை பிரதிபலித்துள்ளார். இந்த கருத்துக்களை ஏற்றுக்கொண்டது போல் தற்போது ஜோதிகா, மணிரத்னம் இயக்கும் படத்தில் நடித்து வருகிறார். அதுமட்டுமின்றி வித்யாபாலன் நடித்த பாலிவுட் படம் ஒன்றில் ரீமேக்கிலும் நடிக்க பேச்சுவார்த்தை நடத்தி வருகிறார் என்பது குறிப்பிடத்தக்கது.