பிரபல இயக்குனர் வெங்கட்பிரபுவின் 'பிளாக் டிக்கெட் கம்பெனி தயாரிக்கும் புதிய படத்தில் பணிபுரியும் டெக்னீஷியன்கள் மற்றும் நடிகர்களை வேட்பாளர் பட்டியல் அறிவிப்பது போல் தனது சமூக வலைத்தளத்தில் அறிவிக்கப்பட்டு வருகிறது.

முதலகட்ட வேட்பாளர் பட்டியலில் இயக்குனர் மற்றும் தயாரிப்பாளர்களாக சரவணன் ராஜா மற்றும் பத்ரி கஸ்தூரி ஆகியோர் அறிவிக்கப்பட்டனர். இதனையடுத்து 2ஆம் கட்ட வேட்பாளர் பட்டியலில் இந்த படத்தின் ஒளிப்பதிவாளர் எஸ்.வெங்கடேஷ், இசையமைப்பாளர் பிரேம்ஜி, படத்தொகுப்பாளர் பிரவீண் கே.எல், கலை இயக்குனர் விதேஷ் மற்றும் காஸ்ட்யூம் டிசைனர் வாசுகி பாஸ்கர் ஆகியோர்கள் பெயர்கள் அறிவிக்கப்பட்டது என்பதை ஏற்கனவே பார்த்தோம்

இந்த நிலையில் தற்போது மூன்றாவது கட்ட வேட்பாளர் அறிவிப்பில் இந்த படத்தின் ஹீரோ, ஹீரோயின், மற்றும் வில்லன் பெயர்கள் அறிவிக்கப்பட்டுள்ளது. இதன்படி இந்த படத்தின் ஹீரோவாக வைபவ், ஹீரோயினியாக சனா, மற்றும் வில்லனாக சம்பத் ஆகியோர் அறிவிக்கப்பட்டுள்ளனர். நாயகன் வைபவ ஏற்கனவே வெங்கட்பிரபு இயக்கிய 'மங்காத்தா', 'பிரியாணி' மற்றும் 'சென்னை 600028 II' ஆகிய படங்களில் நடித்தவர் என்பது குறிப்பிடத்தக்கது. இதுதான் இறுதிக்கட்ட வேட்பாளர் பட்டியல் என்றும் இன்று மாலை இந்த படத்தின் டைட்டில் அறிவிக்கப்படும் என்றும் பிளாக் டிக்கெட் கம்பெனி நிறுவனத்தின் சமூக வலைத்தளத்தில் குறிப்பிடப்பட்டுள்ளது.