ஏப்ரல் 1 முதல் சுந்தர் சியின் அடுத்த படம் ரிலீஸ்
- IndiaGlitz, [Sunday,March 20 2016]
பிரபல இயக்குனர் சுந்தர் சி தயாரித்து, இயக்கி, நடித்த 'அரண்மனை 2' திரைப்படம் சமீபத்தில் வெளியாகி நல்ல வரவேற்பை பெற்ற நிலையில் அவர் தயாரித்துள்ள அடுத்த படமான 'ஹலோ நான் பேய் பேசுகிறேன்' திரைப்படம் வரும் ஏப்ரல் 1 முதல் ரிலீஸ் ஆகவுள்ளது.
சுந்தர் சியின் முந்தைய படமான 'அரண்மனை 2' படத்தில் ஒரு சிறு கேரக்டரில் நடித்திருந்த வைபவ் நாயகனாக நடித்துள்ள இந்த படத்தில் ஐஸ்வர்யா ராஜேஷ் நாயகியாக நடித்துள்ளார். மேலும் இந்த படத்தில் ஓவியா, விடிவி கணேஷ், கருணாகரன், சிங்கம்புலி உள்பட பலர் நடித்துள்ளனர். பாலமுருகன் ஒளிப்பதிவில் ஸ்ரீகாந்த் படத்தொகுப்பில் இந்த படம் உருவாகியுள்ளது.
சித்தார்த் விபின் இசையமைத்துள்ள இந்த படத்தை எஸ்.பாஸ்கர் இயக்கியுள்ளார். இந்த படத்தில் பிரபல நடிகர் விஜய்சேதுபதி ஒரு பாடலை பாடியுள்ளார் என்பது குறிப்பிடத்தக்கது.