'இருட்டு அறையில் முரட்டு குத்து' படத்தில் சந்தானம் நாயகி
- IndiaGlitz, [Thursday,October 26 2017]
சமீபத்தில் வெளியான சூப்பர் ஹிட் படமான 'ஹரஹர மகாதேவகி' படத்தை அடுத்து ஸ்டுடியோக்ரீன் நிறுவனம் தயாரிக்கும் அடுத்த படம் 'இருட்டு அறையில் முரட்டு குத்து' என்பது அனைவரும் அறிந்ததே. சந்தோஷ் ஜெயக்குமார் இயக்கவுள்ள இந்த படத்தில் கவுதம் கார்த்திக் நாயகனாக நடிக்கவுள்ளார்.
இந்த படத்தின் ஆரம்பகட்ட பணிகள் விறுவிறுப்பாக நடந்து கொண்டிருக்கும் நிலையில் தற்போது இந்த படத்தின் நாயகி குறித்த தகவல் வெளிவந்துள்ளது. இந்த படத்தில் கவுதம் கார்த்திக் ஜோடியாக வைபவ் சாந்தில்யா நடிக்கவுள்ளார். இவர் ஏற்கனவே சந்தானம் நடித்து வரும் 'சர்வர் சுந்தரம்' மற்றும் 'சக்க போடு போடு ராஜா' ஆகிய படங்களில் நாயகியாக நடித்து வருகிறார் என்பது குறிப்பிடத்தக்கது.
இந்த படத்தின் நாயகியாக பிக்பாஸ் மூலம் பெரும்புகழ் பெற்ற ஓவியா நடிக்கவிருப்பதாக செய்திகள் வெளிவந்த நிலையில் தற்போது வைபவி இந்த படத்தின் நாயகியாகியுள்ளார் என்பது குறிப்பிடத்தக்கது.