சூப்பர் ஸ்டார் ரஜினிகாந்த் அவர்கள் நேற்று செய்தியாளர்களை சந்தித்து தனது அரசியல் கண்ணோட்டம் குறித்து சில கருத்துக்களை தெரிவித்தார். இந்த கருத்து குறித்து பல்வேறு அரசியல் தலைவர்கள், திரைய்லக பிரமுகர்கள் தங்களது கருத்துக்களை தெரிவித்து வருகின்றனர். ரஜினி அரசியலுக்கு வருவாரா? அரசியலில் இருந்து பின்வாங்கி விட்டாரா? பயந்து விட்டாரா? உள்பட பல்வேறு கேள்விகளை நெட்டிசன்களும் எழுப்பி வருகின்றனர்.

இந்த நிலையில் ரஜினியின் நேற்றைய அரசியல் கருத்து குறித்து காமெடி நடிகர் வடிவேலு கூறியபோது ’ரஜினி கட்சி ஆரம்பிக்கின்றாரா? இல்லையா? என்பது அவருக்கும் தெரியாது நமக்கும் தெரியாது. மக்களுக்கு யார் நல்லது செய்தாலும் அதை வரவேற்கவேண்டும். கட்சிக்கு ஒருவர், ஆட்சிக்கு ஒருவர் என்ற ரஜினியின் நிலைப்பாடு வரவேற்கத்தக்கது' என்று கூறியுள்ளார்.

மேலும் 2021 தேர்தலுக்கு பின் யார் முதல்வராவார் என்ற கேள்விக்கு பதிலளித்த அவர், ‘என் திட்டப்படி 2021ல் நான்தான் முதல்வர்’ என்று கிண்டலுடன் பதிலளித்தார்.