நடிகர் சங்க தேர்தல் பிரச்சாரம் உச்சக்கட்டத்தை அடைந்துள்ள நிலையில் நேற்று முன் தினம் சிம்பு, விஷாலை நரி என்று சர்ச்சைக்குரிய வகையில் பேசியது பெரும் பரபரப்பை ஏற்படுத்தியுள்ளது. சிம்புவின் பேச்சு குறித்து மதுரையில் செய்தியாளர்களிடம் பேசிய நகைச்சுவை நடிகர் வடிவேலு, 'நடிகர் சங்க தேர்தல் தொடர்பான விஷயத்தில் யாரையும் தவறாக பேசக்கூடாது என சிம்புவுக்கு அவர் அறிவுரை கூறியுள்ளார். சிம்பு அடிப்படையில் நல்லவர் என்றும், ஆனால் விஷால் நரி வேலை செய்கிறார் என்று சிம்பு பேசியது தவறு என்றும் அவர் கூறியுள்ளார்.

மேலும் நடிகர் சங்க தேர்தலை தவிர்க்க சமாதான பேச்சுவார்த்தை நடத்த முயற்சிப்பதில் உள்நோக்கம் உள்ளதாக கூறிய வடிவேலு, விஷால் அணியினர்களை கமல் தூண்டிவிடுவதாக கூறுவதில் எவ்வித உண்மையும் இல்லை என்றும் யாரையும் யாரும் தூண்டிவிடவில்லை என்றும் கூறினார்.

மேலும் களவு போன நடிகர் சங்கத்தை கண்டுபிடிக்கவும், அனைத்து கலைஞர்களுக்கும் நல்லது செய்யவும் பாண்டவர் அணி அனைத்து முயற்சிகளையும் எடுக்கும் என்றும் வடிவேலு கூறியுள்ளார்.