அஜித் தயாரிப்பாளரின் கைக்கு சென்றது தனுஷின் 'வடசென்னை'
- IndiaGlitz, [Friday,June 03 2016]
அஜித் நடித்த 'ஆரம்பம்', 'என்னை அறிந்தால்' மற்றும் 'வேதாளம்' ஆகிய சூப்பர் ஹிட் படங்களை தயாரித்த தயாரிப்பாளர் ஏ.எம்.ரத்னம் தனுஷ்-வெற்றிமாறனின் கூட்டணியில் உருவாகவுள்ள 'வடசென்னை' படத்தை தயாரிக்கவுள்ளதாக செய்திகள் வெளிவந்துள்ளது.
இந்த செய்தியை ஏ.எம்.ரத்னம் தனது சமூக வலைத்தளத்தில் உறுதி செய்துள்ளார். தனுஷ், சமந்தா நடிக்கும் இந்த படத்தில் நடிக்கும் மற்ற நடிகர், நடிகைகள் மற்றும் டெக்னீஷியன் தேர்வு நடைபெற்று வருவதாகவும் விரைவில் இந்த படத்தின் படப்பிடிப்பு தொடங்கும் என்றும் கூறப்படுகிறது.
தனுஷ்-வெற்றிமாறன் கூட்டணியில் ஏற்கனவே உருவாகிய 'பொல்லாதவன்' மற்றும் 'ஆடுகளம்' படங்களுக்கு இசையமைத்த ஜி.வி.பிரகாஷ் இந்த படத்திற்கும் இசையமைப்பார் என்று எதிர்பார்க்கப்படுகிறது.