இயக்குனர் மாரி செல்வராஜ் இயக்கத்தில் உருவான ‘வாழை’ திரைப்படம் ஆகஸ்ட் 23ஆம் தேதி திரையரங்குகளில் வெளியாகி நல்ல வரவேற்பை பெற்றது. இந்த படத்திற்கு ரசிகர்கள் மட்டுமின்றி ரஜினி, கமல் உள்பட திரை உலக பிரபலங்கள், முதலமைச்சர் முக ஸ்டாலின், அமைச்சர் உதயநிதி உள்பட அரசியல்வாதிகள் பாராட்டு தெரிவித்தனர் என்பதும் இந்த படம் சின்ன பட்ஜெட் படமாக இருந்தாலும் மிகப் பெரிய வசூலை வாரி குவித்ததாகவும் கூறப்பட்டது.

இந்த நிலையில் திரையரங்குகளில் வெற்றிகரமாக ஓடிய ‘வாழை’ திரைப்படம் தற்போது ஹாட்ஸ்டார் ஓடிடியில் செப்டம்பர் 27ஆம் தேதி ஒளிபரப்பாக இருப்பதாக தகவல் வெளியாகியுள்ளது. இது குறித்த போஸ்டரும் வெளியாகி உள்ள நிலையில் திரையரங்குகளில் பார்க்காத ரசிகர்கள் ஓடிடியில் இந்த படத்தை பார்க்க ஆர்வத்துடன் இருப்பதாக கூறப்படுகிறது.

உண்மை சம்பவத்தை அடிப்படையாக கொண்டு உருவாக்கப்பட்ட ‘வாழை’ படத்தில் நிகிலா விமல், கலையரசன், திவ்யா துரைசாமி உள்ளிட்ட பலர் நடித்துள்ளனர் என்பதும் சந்தோஷ் நாராயணன் இந்த படத்திற்கு இசையமைத்துள்ளார் என்பதும் குறிப்பிடத்தக்கது.