நாளை முதல் வானில் இருள்: அஜித் ரசிகர்கள் உற்சாகம்
- IndiaGlitz, [Wednesday,June 26 2019]
அஜித் நடித்த 'நேர் கொண்ட பார்வை' திரைப்படத்தின் படப்பிடிப்பு சமீபத்தில் முடிவடைந்து தற்போது தொழில்நுட்ப பணிகள் இரவுபகலாக நடந்து வருகிறது. இந்த படத்தை ஆகஸ்ட் மாதம் வெளியிட திட்டமிட்டுள்ளதால் அடுத்த மாதத்திற்குள் முழு பணியையும் முடிக்க வேண்டிய கட்டாயத்தில் படக்குழுவினர் உள்ளனர்.
இந்த நிலையில் ஒருபக்கம் தொழில்நுட்ப பணிகள் நடந்து வந்தாலும் இன்னொரு பக்கம் புரமோஷன் பணிகளும் தொடங்கிவிட்டது. சமீபத்தில் இந்த படத்தின் டிரைலர் வெளிவந்து சமூக வலைத்தளங்கள் ஸ்தம்பித்தது என்பதை பார்த்தோம்
இந்த நிலையில் இந்த படத்தில் இடம்பெற்ற 'வானில் இருள்' என்ற பாடல் நாளை காலை 7.45 மணிக்கு வெளியாகவிருப்பதாக அறிவிக்கப்பட்டுள்ளது. சென்னையில் தற்போது 'வானில் இருள்' சூழ்ந்து மழை கொட்டிக்கொண்டிருக்கும் நிலையில் அஜித்தின் 'வானில் இருள்' பாடல் பொருத்தமாக வெளியாகவிருப்பதால் அஜித் ரசிகர்கள் உற்சாகம் அடைந்துள்ளனர்.
அஜித், வித்யாபாலன், ஷராதா ஸ்ரீநாத், அபிராமி வெங்கடச்சலம், ஆண்ட்ரியா தரங், பிரகாஷ்ராஜ், மஹேஷ் மஞ்சுரேக்கர், ஆதிக் ரவிச்சந்திரன், ரங்கராஜ் பாண்டே, டெல்லி கணேஷ் உள்பட பலர் நடித்துள்ள இந்த படத்தை எச்.வினோத் இயக்கியுளார். நீரவ்ஷா ஒளிப்பதிவில் கோகுல் சந்திரன் படத்தொகுப்பில் உருவாகியுள்ள இந்த படத்தை போனிகபூர் தயாரித்துள்ளார்.