அஜித் நடித்த ’நேர்கொண்ட பார்வை’ திரைப்படம் சமீபத்தில் வெளியாகி மிகப்பெரிய வெற்றி பெற்றது என்பது தெரிந்ததே. இந்த படம் வசூல் சாதனை செய்த நிலையில் இந்த படத்தில் ‘பிங்க்’ படத்தில் இல்லாத அஜித்-வித்யாபாலன் குறித்த காட்சிகள் பெரும் வரவேற்பை பெற்றது.

இந்த நிலையில் வித்யாபாலன் கேரக்டரில் முதலில் நடிக்க பிரபல பாலிவுட் நடிகையான ஊர்வசி ரெளட்டிலே என்பவரை போனிகபூர் அணுகியதாகவும் ஆனால் அவர் ஏற்கனவே வேறு சில படங்களில் நடிக்க ஒப்புக் கொண்டிருந்ததால் போனிகபூர் கேட்கும் தேதியை அவரால் கொடுக்க முடியவில்லை என்றும், அதனால் அஜித் படத்தில் நடிக்க மறுத்ததாகவும் தற்போது பேட்டி ஒன்றில் கூறியுள்ளார். இருப்பினும் தான் ஒரு நல்ல சந்தர்ப்பத்தை இழந்து விட்டதாக ஊர்வசி தனது பேட்டியில் கூறியுள்ளார். இந்த பேட்டி தற்போது இணையதளங்களில் வைரலாகி வருகிறது.

அதன் பின்னரே வித்யாபாலனை போனிகபூர் அணுகியதாகவும், போனிகபூரின் கோரிக்கையை மறுக்க விரும்பாத வித்யாபாலன் இந்த படத்தில் சம்பளமே வாங்காமல் அஜித்துக்கு ஜோடியாக நடித்து கொடுத்து இருந்தார் என்பதும் தெரிந்ததே.