நான் யார் தெரியுமா? ஜெயலலிதா பிரண்ட்.. ஊர்வசியின் 'J.பேபி' டிரைலர்..!
- IndiaGlitz, [Wednesday,February 28 2024]
நடிகை ஊர்வசி முக்கிய இடத்தில் நடித்த J.பேபி’ என்ற திரைப்படம் வரும் மார்ச் 8ஆம் தேதி ரிலீஸ் ஆக இருக்கும் நிலையில் இந்த படத்தின் டிரைலர் இன்று வெளியாகி இணையத்தில் வைரல் ஆகி வருகிறது.
பிரபல இயக்குனர் பா ரஞ்சித் தனது நீலம் புரடொக்சன்ஸ் நிறுவனத்தின் மூலம் தயாரித்த திரைப்படம் J.பேபி’. இந்த படத்தின் படப்பிடிப்பு முடிவடைந்து தொழில்நுட்ப பணிகள் முடிவடைந்து தற்போது ரிலீசுக்கு தயாராக இருக்கும் நிலையில் இந்த படத்தின் இரண்டு நிமிடங்களுக்கு மேலான ட்ரெய்லர் சற்றுமுன் வெளியாகியுள்ளது.
ஊர்வசி முக்கிய வேடத்தில் நடித்திருக்கும் இந்த படத்தில் தினேஷ், மாறன் உள்ளிட்ட பலர் நடித்துள்ளனர் என்பதும் டோனி பிரிட்டோ இசையில் சுரேஷ் மாரி இயக்கத்தில் இந்த படம் உருவாகியுள்ளது.
ஊர்வசி இந்த படத்தில் மனநிலை சரியில்லாத நபராக நடித்திருப்பார் என ட்ரெய்லரில் உள்ள காட்சிகளில் இருந்து தெரிய வருகிறது. சின்ன சின்ன திருட்டுகள், தேவை இல்லாத வம்புகள், போலீஸ்காரரிடமே இளக்காரமாக பேசுவது, நான் இந்திரா காந்தியின் பிரண்ட் , ஜெயலலிதாவின் பிரண்ட் என பேசுவதை பார்க்கும் போது அவரது கேரக்டர் இந்த படத்தின் வித்தியாசமாக இருக்கும் என்று தெரிகிறது.
ஒரு கட்டத்தில் அவரது செயல்களை கண்டு பொறுக்க முடியாத அவரது மகன் தினேஷ் வீட்டை விட்டு வெளியே அனுப்பி விட அதன் பிறகு அவர் நிலை என்ன ஆனது என்பது தான் இந்த படத்தின் கதையாக இருக்கும் என்று எதிர்பார்க்கப்படுகிறது. மொத்தத்தில் ஊர்வசியின் முழு திறமையான நடிப்பை வெளிக் கொண்டு வரும் படமாக J.பேபி’ இருக்கலாம்.