கடந்த சில மாதங்களாகவே தமிழகத்தில் அரசியல் நிலவரம் பரபரப்பான சூழ்நிலையில் இருப்பதால் திரைத்துறையினர்களும் அரசியல் குறித்த திரைப்படங்களுக்கு முக்கியத்துவம் கொடுத்து வருகின்றனர். அதுமட்டுமின்றி அரசியலில் நேரடியாக குதிக்கவும் பல நடிகர்கள் முயற்சி செய்து வருகின்றானர்.

இந்த நிலையில் ஏற்கனவே ஒருசில அரசியல் த்ரில்லர் படங்கள் கோலிவுட் திரையுலகில் உருவாகி வரும் நிலையில் தமிழ் திரையுலகின் வித்தியாசமான படங்களில் ஒன்றாக கருதப்பட்ட 'உறியடி' இயக்குனர் விஜய்குமார் இயக்கவுள்ள அடுத்த படம் ஒரு அரசியல் த்ரில்லர் படம் என்ற செய்தி வெளியாகியுள்ளது

மேலும் இந்த படத்தை இயக்குனர் விஜயகுமார் இயக்குவது மட்டுமின்றி முக்கிய வேடத்தில் நடிக்கவும் உள்ளார். இந்த படம் குறித்த அதிகாரபூர்வ அறிவிப்பு இன்னும் ஒருசில நாட்களில் வெளிவரும் என்றும், இந்த படத்தின் ஆரம்பகட்ட பணிகள் விரைவில் தொடங்கவுள்ளதாகவும் கூறப்படுகிறது.