’உறியடி’ மற்றும் ’உறியடி 2’ ஆகிய இரண்டு படங்களை இயக்கி நடித்த விஜயகுமாரின் அடுத்த திரைப்படம் குறித்த அறிவிப்பு தற்போது வெளிவந்துள்ளது

கடந்த 2016ஆம் ஆண்டு விஜயகுமார் தயாரித்து இயக்கி நடித்த திரைப்படம் ’உறியடி’,. இந்த திரைப்படம் மிகப்பெரிய வெற்றியை பெற்றதை அடுத்து கடந்த 2019ஆம் ஆண்டு சூர்யாவின் தயாரிப்பில் விஜயகுமார் இயக்கி நடித்த திரைப்படம் ’உறியடி 2’

இந்த இரண்டு படங்களை அடுத்து தற்போது விஜய்குமாரின் அடுத்த படம் குறித்த அறிவிப்பு வெளியாகி உள்ளது. ரீல் குட் எண்டர்டெயின்மெண்ட் என்ற நிறுவனம் தயாரிக்கும் திரைப்படத்தில் விஜயகுமார் முக்கிய வேடத்தில் நடிக்க உள்ளார். அதிரடி ஆக்சன் திரைப்படமான இந்த திரைப்படத்தை அப்பாஸ் என்பவர் இயக்கவுள்ளார் என்பதும், இவர் ஏற்கனவே ’உறியடி’ மற்றும் ’உறியடி 2’ ஆகிய இரண்டு படங்களில் உதவி இயக்குனராக பணிபுரிந்தவர் என்பதும் குறிப்பிடத்தக்கது

கோவிந்த் வசந்தா இசையமைக்கும் இந்த படத்தின் படப்பிடிப்பு இன்று பூஜையுடன் தொடங்கியது என்பதும் இந்த படப்பிடிப்பு இன்னும் ஒரு சில நாட்கள் தொடர்ந்து நடைபெறும் என்பதும் குறிப்பிடதக்கது