தமிழகத்தில் ஏப்ரல் 19ஆம் தேதி மக்களவைத் தேர்தல் நடந்த நிலையில் மே 17ஆம் தேதி ’எலக்சன்’ என்ற திரைப்படம் ரிலீஸ் ஆக உள்ளதாக அறிவிக்கப்பட்டுள்ளது.

‘உரியடி’ விஜயகுமார் நடிப்பில் உருவாகிய ’எலக்சன்’ படத்தின் படப்பிடிப்பு சமீபத்தில் முடிந்த நிலையில் தற்போது இந்த படத்தின் ரிலீஸ் தேதி அறிவிக்கப்பட்டது. இதனை அடுத்து புரோமோஷன் பணிகளும் தொடங்க உள்ளதாக கூறப்படுகிறது.

‘உரியடி’ என்ற திரைப்படத்தின் மூலம் அறிமுகமான விஜயகுமார் அதன் பிறகு ’உரியடி 2’ ’பைட் கிளப்’ போன்ற படங்களில் நடித்த நிலையில் ’எலக்சன்’ என்ற படத்தில் நடித்து வந்தார் என்பதும் இந்த படத்தில் அவர் அரசியல்வாதியாக நடித்து வந்ததாகவும் தகவல் வெளியானது.

இந்த படத்தின் பர்ஸ்ட் லுக் பிப்ரவரி மாதம் வெளியான நிலையில் மே 17ஆம் தேதி இந்த படம் ரிலீஸ் ஆக இருப்பதாக அறிவிக்கப்பட்டுள்ளது. இதனை அடுத்து இந்த படத்தின் டீசர் அல்லது ட்ரைலர் இன்னும் ஒரு சில நாட்களில் வெளியாகும் என்று எதிர்பார்க்கப்படுகிறது.

தமிழ் இயக்கத்தில் கோவிந்த் வசந்தா இசையில் உருவாகியுள்ள இந்த படத்திற்கு மகேந்திரன் ஜெயராஜ் என்பவர் ஒளிப்பதிவு செய்துள்ளார். ஆதித்யா என்பவர் தயாரித்திருக்கும் இந்த படம் உரியடி விஜயகுமாருக்கு இன்னொரு வெற்றி படமாக உருவாகும் என்று எதிர்பார்க்கப்படுகிறது.