ప్రస్తుతం బిగ్ స్టార్ల చూపు రాజకీయాల వైపు మళ్లుతోంది. మొన్న మెగాస్టార్, నిన్న పవర్ స్టార్.. పొలిటికల్ పార్టీలను ఏర్పాటు చేయగా, ప్రస్తుతం తమిళనాట రజనీకాంత్, కమల్ హాసన్ లు ఆ దిశగా కదులుతున్నారు. కమల్ హాసన్ ఒక అడుగు ముందుకేసి జనాల్లోకి వెళ్లి వారి సమస్యలను తెలుసుకుంటున్నారు.

తాజాగా... శాండల్‌వుడ్ సూపర్‌స్టార్ ఉపేంద్ర కొత్త పొలిటికల్ పార్టీ ని ఏర్పాటు చేసారు. బెంగళూరులోని గాంధీ భవన్ వేదికగా ఆయన తన పార్టీ పేరు కర్నాటక ప్రజ్ఞాయవంత జనతా పక్ష` (కేపీజేపీ) అని మంగళవారం ఉదయం ప్రకటించారు.

ఈ సందర్భంగా ఉపేంద్ర మాట్లాడుతూ... "మీకోసం నేను కేవలం ఓ వేదికను మాత్రమే సృష్టించాను. సమాజంలో నూతన మార్పు తీసుకురావాలన్నది నా చిరకాల స్వప్నం. పార్టీ స్ఫూర్తిని అర్ధం చేసుకుని వచ్చే వారంతా నాతో చేరవచ్చు. ఇది నా పార్టీ కాదు, ప్రజల కోసం ప్రారంభించిన పార్టీ. మరింత మెరుగైన సమాజాన్ని నిర్మించడమే మా లక్ష్యం. " అని అన్నారు.