స్థానికులకే ఉద్యోగాలు ఇవ్వాలంటున్న ఉపేంద్ర
- IndiaGlitz, [Monday,August 12 2019]
సినీ హీరో, రాజకీయ నాయకుడు ఉపేంద్ర బెంగళూరులో ఉద్యమానికి తెర తీశాడు. కన్నడిగులకే ప్రభుత్వం ఉద్యోగాలను కేటాయించాలని డిమాండ్ చేశారు. ఈ సందర్భంగా ఆయన ఓ వీడియో విడుదల చేశారు. ''స్థానికులకు ఉద్యోగాలు ఇవ్వాలనే డిమాండ్ ఎన్నో ఏళ్లుగా జరుగుతోంది. అందుకోసం నేను పోరాటం చేయబోతున్నాను. ఈ నెల 14,15 తేదీల్లో గాంధీ విగ్రహం వద్ద నిరాహార దీక్ష చేయబోతున్నాను. దీనికి యువత మద్దతుగా నిలవాలని కోరుతున్నాను'' అని వీడియోలో ఉపేంద్ర చెప్పుకొచ్చారు.
ప్రస్తుతం రాష్ట్రంలోని పరిస్థితులపై ఉపేంద్ర గట్టిపోరాటం చేస్తున్నారు. ప్రభుత్వాలపై విమర్శలు చేస్తూ ట్వీట్స్ పెడుతున్నారు. కొన్ని రోజుల కర్ణాటకలో నెలకొన్న రాజకీయ పరిస్థితులపై ఆయన గళమెత్తారు. ఆగస్ట్ 9న అవినీతపై ఆరోపణలు చేస్తూ ఓ లేఖను విడుదల చేయడమే కాకుండా అధునిక టెక్నాలజీతో అవినీతిని అంతం చెయవచ్చుని పేర్కొన్నారు.