మిల్కీబ్యూటీ త‌మ‌న్నాకు రామ్‌చ‌ర‌ణ్ స‌తీమ‌ణి ఉపాస‌న కొణిదెల షాకిచ్చింది. ఇంత‌కు ఉపాసన ఎందుకు మిల్కీ బ్యూటీకి షాకిచ్చిందనే వివ‌రాల్లోకెళ్లే.. అక్టోబ‌ర్ 2న విడుద‌లైన చిత్రం సైరా న‌ర‌సింహారెడ్డిలో ల‌క్ష్మి అనే ప్ర‌జా గాయ‌ని పాత్ర‌లో త‌మ‌న్నా న‌టించింది. ఈ పాత్ర‌కు చాలా పేరు వ‌చ్చింది. త‌మ‌న్నా కెరీర్‌లో వ‌న్ ఆఫ్ ది బెస్ట్ క్యారెక్ట‌ర్ అని అందరూ అప్రిషియేట్ చేస్తున్నారు. ఈ నేప‌థ్యంలో చిత్ర నిర్మాత రామ్‌చ‌ర‌ణ్ స‌తీమ‌ణి ఉపాస‌న, త‌మ‌న్నాకు ఖ‌రీదైన ఉంగ‌రాన్ని గిఫ్ట్‌గా ఇచ్చి షాకిచ్చింది. `నిర్మాత భార్య నుండి తమ‌న్నాకు సూప‌ర్ బ‌హుమ‌తి. నిన్ను మిస్ అవుతున్నాను.. త్వ‌ర‌లోనే క‌లుద్దాం` అని ఉపాస‌న పోస్ట్ చేశారు.

సైరా న‌ర‌సింహారెడ్డి చిత్రంలో ఉయ్యాల‌వాడ న‌ర‌సింహారెడ్డి భార్య సిద్ద‌మ్మ పాత్ర‌లో న‌య‌న‌తార న‌టించింది. ప్రేయ‌సి ల‌క్ష్మి పాత్ర‌లో త‌మ‌న్నా న‌టించింది. న‌ర‌సింహారెడ్డి కోసం ఆత్మాహుతి దాడి చేసే ల‌క్ష్మి పాత్ర‌లో త‌మ‌న్నా సూప‌ర్బ్‌గా న‌టించింద‌ని, న‌య‌న‌తార కంటే త‌మ‌న్నా పాత్ర‌కు చాలా ప్రాధాన్య‌త ఉంద‌ని సినిమా చూసిన వారంటున్నారు.

అక్టోబ‌ర్ 2న తెలుగు, త‌మిళం, క‌న్న‌డ‌, మ‌ల‌యాళ‌, హిందీలో విడుద‌లైన ఈ సినిమాకు హిట్ టాక్‌ను సంపాదించుకుంది. సురేంద‌ర్ రెడ్డి ద‌ర్శక‌త్వంలో రామ్‌చ‌ర‌ణ్ ఈ చిత్రాన్ని నిర్మించారు. త్వ‌ర‌లోనే చిరంజీవి కొర‌టాల శివ ద‌ర్శ‌క‌త్వంలో త‌న త‌దుప‌రి సినిమాకు సిద్ధ‌మ‌వుతున్నారు.