மனைவி சித்தியான சோகக்கதை… ஆத்திரத்தில் காவல் துறையை நாடிய இளைஞர்!
- IndiaGlitz, [Monday,July 05 2021]
உத்திரப்பிரதேச மாநிலம் பதாவுன் எனும் பகுதியில் வசித்து வரும் இளைஞர் ஒருவர் தனது தந்தையைக் காணாமல் பல ஆண்டுகளாகத் தேடியுள்ளார். பின்னர் அவரைக் கண்டுபிடிப்பதற்காக பஞ்சாயத்து ராஜ் அலுவலகத்தில் ஆர்டிஐ பதிவு செய்துள்ளார். இதையடுத்து அந்த இளைஞரின் தந்தை குறித்த விவரங்கள் கிடைத்துள்ளது.
கூடவே அவருக்கு திருமணம் ஆகிவிட்டது என்றும் தன்னுடைய மனைவியைத்தான் அவர் இரண்டாவதாகத் திருமணம் செய்துகொண்டுள்ளார் என்றும் தெரியவந்துள்ளது. இதனால் அந்த ஊரில் உள்ள பஞ்சாயத்து தலைவரை அணுகிய இளைஞர், நியாயத்தைக் கேட்டு இருக்கிறார். ஆனால் அந்த பஞ்சாயத்தில் தனக்கு நியாயம் கிடைக்காத இளைஞர் நேரடியாக காவல் நிலையத்தில் புகார் அளித்துள்ளார்.
இந்தப் புகாரை அடுத்து தந்தை, மகன் இருவரையும் நேரில் அழைத்த போலீசார் அவர்களுடன் பேச்சு வார்த்தை நடத்தி உள்ளனர். அதில் மைனர் வயதாக இருக்கும்போதே அந்த பெண்ணுடன் இளைஞர் வாழ்ந்தார் என்றும் 6 மாதம் கழித்த பின்பு இருவரும் பிரிந்து விட்டனர் என்பதும் தெரியவந்தது. இந்தத் திருமணப் பந்தத்திற்கு எந்தவிதமாக ஆதாரமும் இல்லை என்றும் கூறப்படுகிறது.
மேலும் 18 வயதான பிறகு, இளைஞனுடன் வாழ்ந்த அந்தப் பெண் முறைப்படி அவரது தந்தையை திருமணம் செய்து கொண்டுள்ளார். மேலும் இவர்களுக்கு 2 வயதில் ஒரு குழந்தையும் இருக்கிறது. இந்த விஷயத்தைக் கேட்ட போலீசார் தந்தை, மகன் இருவரையும் சமாதானப்படுத்தி உள்ளனர். மேலும் தந்தையுடனே அந்த இளம்பெண்ணை அனுப்பி வைத்துள்ளனர். இந்தச் சம்பவம் தற்போது அப்பகுதியில் ஆச்சர்யத்தை ஏற்படுத்தி வருவதும் குறிப்பிடத்தக்கது.