'கபாலி' ரசிகர்களுக்கு இன்று ஒரு இன்ப அதிர்ச்சி
- IndiaGlitz, [Wednesday,August 24 2016]
சூப்பர் ஸ்டார் ரஜினிகாந்த், ராதிகா ஆப்தே, தன்ஷிகா நடிப்பில் பா.ரஞ்சித் இயக்கத்தில் உருவான 'கபாலி' திரைப்படம் கடந்த மாதம் வெளியாகி வசூலில் புதிய சாதனை செய்தது. இந்த படத்தின் வசூல் உலகம் முழுவதும் ரூ.500 கோடியை தாண்டிவிட்டதாகவும், சென்னையில் மட்டும் ரூ.12 கோடிக்கும் அதிகமாக வசூல் செய்துள்ளதாகவும் செய்திகள் தெரிவிக்கின்றன.
இந்நிலையில் கபாலி ரசிகர்களுக்கு மேலும் ஒரு இன்ப அதிர்ச்சியாக இதுவரை வெளிவராத 'கபாலி' படப்பாடல் ஒன்று இன்று முதல் வெளியாகவுள்ளது. இந்த தகவலை 'கபாலி' படத்தின் பாடல்கள் உரிமையை பெற்ற திங்க்மியூசிக் இந்தியா நிறுவனம் தனது சமூக வலைத்தளத்தில் உறுதி செய்துள்ளது.
'கபாலி' படத்தில் இடம்பெற்ற 'நெருப்புடா' உள்ளிட்ட அனைத்து பாடல்களும் ஏற்கனவே சூப்பர் ஹிட் ஆகியுள்ள நிலையில் இன்று வெளியாகும் பாடலும் பெரும் வரவேற்பை பெறும் என்று எதிர்பார்க்கப்படுகிறது. இந்த படத்திற்கு சந்தோஷ் நாராயணன் இசையமைத்திருந்தார் என்பது தெரிந்ததே.