సీనియర్ నటి గౌతమి ఇంట్లోకి అనుమతి లేకుండా ఓ వ్యక్తి ప్రవేశించాడు. గోడ కింద దాక్కొని ఇంట్లోని వారిని భయాందోళనలకు గురి చేశాడు. దీంతో గౌతమి ఇంట్లో పని చేసే సతీష్ అనే వ్యక్తి పోలీసులకు ఫిర్యాదు చేశాడు. వెంటనే స్పందించిన పోలీసులు.. గౌతమి ఇంటి వద్దకు చేరుకుని సదరు వ్యక్తిని అదుపులోకి తీసుకున్నారు. వివరాల్లోకి వెళితే చెన్నైలోని కొట్టివాక్కమ్‌లో గౌతమి నివాసముంటున్నారు. ఆమె ఇంట్లోకి పాండియన్ అనే వ్యక్తి అనుమతి లేకుండా ప్రవేశించాడు.

పాండియన్ గోడ కింద దాక్కొని గౌతమి ఇంట్లోని వారికి భయాందోళనకు గురిచేశాడు. పోలీసులు వచ్చి పాండియన్‌ను అదుపులోకి తీసుకున్నారు. అతను మద్యం మత్తులో ఉన్నాడని పోలీసులు వెల్లడించారు. అయితే గౌతమి ఇంటి సమీపంలో ఉండే సోదరుడిని కలిసేందుకు వెళ్లినట్టు పోలీసులు గుర్తించారు. అనుమతి లేకుండా ఇంట్లోకి ప్రవేశించడమే కాకుండా న్యూసెన్స్ క్రియేట్ చేసిన పాండియన్‌పై పోలీసులు పలు సెక్షన్ల కింద కేసు నమోదు చేశారు. తరువాత బెయిల్‌పై పాండియన్ విడుదలయ్యాడు.