நடிகைக்கு சொந்தமான வில்லாவில் காதல் ஜோடி தங்கி இருந்த நிலையில் நள்ளிரவில் காதல் ஜோடிக்கு நடுவில் மர்ம நபர் ஒருவர் படுத்திருந்த சம்பவம் அதிர்ச்சியை ஏற்படுத்தியுள்ளது.

நடிகை ஒருவருக்கு சொந்தமாக சென்னை புறநகர் பகுதியில் வில்லா ஒன்று உள்ளது. இந்த வில்லாவில் பலரும் வாடகைக்கு எடுத்து தங்கி வருவார்கள். நீச்சல் குளம் உள்ளிட்ட வசதியுடன் உள்ள இந்த வில்லாவில் காதல் ஜோடிகள் அடிக்கடி வந்து தங்குவதுண்டு.

இந்த நிலையில் சமீபத்தில் காதல் ஜோடி தனது நண்பர்களுடன் இந்த வில்லாவில் வந்து தங்கி உள்ளனர். காதல் ஜோடி ஒரு அறையிலும் நண்பர்கள் ஒரு அறையிலும் இரவில் தூங்கிக் கொண்டிருந்தபோது திடீரென மர்ம நபர் ஒருவர் காதல் ஜோடி இருக்கும் அறையில் புகுந்து இருவருக்கும் நடுவில் படுத்து கொண்டதாக தெரிகிறது.

மேலும் அந்த மர்ம நபர் இளம் பெண்ணிடம் சில்மிஷத்தில் ஈடுபட்டதால் அதிர்ச்சி இளம் பெண் விளக்கை போட்ட போது வேறு யாரோ படுத்திருப்பதை பார்த்து அதிர்ச்சி அடைந்து அலறினார்.

பெண்ணின் அலறல் சத்தம் கேட்ட காதலன் மற்றும் அவரது நண்பர்களும் எழுந்து அந்த நபரை பிடித்து காவல்துறையிடம் ஒப்படைத்தனர். காவல்துறையினர் அந்த நபரிடம் விசாரணை செய்தபோது, அந்த வில்லாவில் பணிபுரிந்து வரும் சுபாஷ் என்பது தெரிய வந்தது. மேலும் சுபாஷின் செல்போனை சோதனை செய்தபோது பெண்கள் குளியல் வீடியோக்கள் ஆபாச வீடியோக்கள் இருந்ததாக தெரிகிறது. இதனை அடுத்து காவல்துறையினர் சுபாஷ் மற்றும் வில்லா நிர்வாகிகளிடம் விசாரணை செய்து வருகின்றனர்.