సుబ్ర‌మ‌ణ్యం ఫర్ సేల్ విజయయాత్రలో అపశ్రుతి
- IndiaGlitz, [Monday,October 05 2015]
మెగాస్టార్ మేన‌ల్లుడు సాయిధరమ్ తేజ్ హీరోగా నటించిన తాజా చిత్రం సుబ్ర‌మ‌ణ్యం ఫర్ సేల్. హారీష్ శంకర్ ద‌ర్శ‌క‌త్వంలో దిల్ రాజు నిర్మించిన సుబ్ర‌మ‌ణ్యం ఫర్ సేల్ విజయయాత్ర ఆదివారం కాకినాడ‌లో జ‌రిగింది. థియేటర్ యాజమాన్యం ముందుగా ప్రచారం చేయడంతో అభిమానులు పెద్ద ఎత్తున తరలివచ్చారు.
అయితే ఈ విజయయాత్రలో అపశ్రుతి చోటుచేసుకుంది. కాకినాడ చాణక్య చంద్రగుప్త థియేటర్ వద్ద చిత్ర బృందం ఉన్న కారు ఓ అభిమాని కాలుపై వెళ్లడంతో అతను తీవ్రంగా గాయపడ్డాడు.అభిమానికి తీవ్ర రక్తస్రావం కావడంతో వెంటనే అతణ్ని ఆస్పత్రికి తరలించారు. అతని కాలు విరిగినట్టు వైద్యులు తెలిపారు. సుబ్రహ్మణ్యం ఫర్ సేల్ విజయయాత్రలో హీరో సాయిధరమ్ తేజ్, డైరక్టర్ హరీష్ శంకర్ తదితరులు పాల్గొన్నారు.