కొన్ని రేర్ కాంబినేష‌న్స్ సినిమాల‌పై భారీ అంచ‌నాల‌నే పెంచుతాయి. ఇది కాద‌న‌లేని నిజం. అలాంటి కాంబినేష‌న్స్‌లో ఒక‌టి సూప‌ర్‌స్టార్ ర‌జ‌నీకాంత్‌, ఆయ‌న అల్లుడు ధ‌నుష్‌. హీరోగానే కాకుండా వండ‌ర్ బార్స్ అనే నిర్మాణ సంస్థ‌పై సినిమాల‌ను నిర్మిస్తున్న ధ‌నుష్ ఇప్పుడు సూప‌ర్‌స్టార్ ర‌జ‌నీకాంత్‌తో సినిమా చేయ‌బోతున్న సంగ‌తి తెలిసిందే.

`క‌బాలి` ఫేమ్ పా రంజిత్ ద‌ర్శ‌క‌త్వంలో రూపొంద‌నున్న ఈ సినిమా ఈ నెల నుండి సెట్స్‌లోకి వెళ్ళ‌నుంది. ఈ సినిమాలో అన్నీ అనుకున్న‌ట్లు కుదిరితే ర‌జ‌నీకాంత్‌తో తాను న‌టించే అవ‌కాశాలున్నాయ‌ని ధ‌నుష్ త‌మిళ మీడియాతో తెలిపారట‌. ర‌జ‌నీకాంత్ వంటి సూప‌ర్‌స్టార్‌తో సినిమా చేయ‌డం త‌న అదృష్ట‌మ‌ని, ఆయ‌న తాను నిర్మించనున్న సినిమా గుర్తుండిపోయేంత మంచి సినిమా అవుతుంద‌ని ధ‌నుష్ తెలిపారట‌.