தளபதி விஜய் நடிப்பில் இயக்குனர் பரதன் இயக்கிய 'பைரவா' திரைப்படம் கடந்த ஆண்டு பொங்கல் தினத்தில் வெளியாகி விஜய் ரசிகர்களின் வரவேற்பினை பெற்றது. இந்த படத்திற்கு முதல்முறையாக சந்தோஷ் நாராயணன் இசையமைத்திருந்தார்.

இந்த படத்தில் இடம்பெற்ற 'வரல்ல்லாம் வரல்லாம் வா' பாடல் உள்பட     அனைத்து பாடல்களும் சூப்பர் ஹிட் ஆன நிலையில் இந்த படத்திற்காக கம்போஸ் செய்யப்பட்டு பின்னர் ஒருசில காரணங்களுக்காக படத்தில் இடம்பெறாத பாடல்தான் 'காதல் குடில்' என்று தொடங்கும் பாடல்

பாடலாசிரியர் விவேக் எழுதிய இந்த மெலடி பாடல் மனதை மயக்கும் அற்புதமான இசையுடனும் பாடல் வரிகளுடனும் அமைந்துள்ளது. நேற்று பாடலாசிரியர் விவேக்கின் பிறந்த நாளை முன்னிட்டு அவருக்கு பெருமை சேர்க்கும் வகையில் இதுவரை வெளிவராத இந்த பாடலை இசையமைப்பாளர் சந்தோஷ் நாராயணன் தற்போது வெளியிட்டுள்ளார். இந்த பாடல் தற்போது இணையதளங்களில் மிக வேகமாக பரவி வருகிறது.