உலகநாயகன் கமல்ஹாசன் நடிப்பில் பிரம்மாண்ட இயக்குனர் ஷங்கரின் இயக்கத்தில் உருவாகி வரும் திரைப்படம் ’இந்தியன் 2’. இந்த படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்று வருகிறது என்பதும் இந்த படத்தின் அதிரடி ஆக்சன் காட்சியின் படப்பிடிப்பு நடைபெற்று வருவதாகவும் கூறப்பட்டது.

இந்த நிலையில் இந்த படத்தில் வெளிநாட்டு ஸ்டண்ட் நடிகர்கள் நடித்து வருவதாக கூறப்பட்ட நிலையில் சற்று முன் வெளிநாட்டு ஸ்டண்ட் நடிகர்கள் டீமுடன் கமல்ஹாசன் இருக்கும் புகைப்படம் கசிந்து உள்ளது.

வெளிநாட்டு ஸ்டண்ட் நடிகர்கள் அனைவரும் 'இந்தியன் 2’ படம் போட்ட டீ சர்ட் அணிந்துள்ள நிலையில் அவர்களுடன் சிரித்துக் கொண்டே கமலஹாசன் பேசும் இந்த ஸ்டில் தற்போது இணையதளத்தில் வைரல் ஆகியிருக்கிறது. இந்த ஸ்டில்லை பார்க்கும்போது இந்த படத்தில் பிரம்மாண்டமான ஆக்ஷன் காட்சிகள் இருக்கும் என்பது உறுதி செய்யப்பட்டுள்ளது.

கமல்ஹாசன், காஜல் அகர்வால், சித்தார்த், ரகுல் ப்ரீத்தி சிங், ப்ரியா பவானி சங்கர், சமுத்திரக்கனி, பாபிசிம்ஹா, டெல்லி கணேஷ், ஜெயபிரகாஷ், குரு சோமசுந்தரம், வெண்ணிலா கிஷோர், ஜார்ஜ் மரியான், மனோபாலா உள்ளிட்ட பலர் நடித்த ‘இந்தியன் 2’ படத்திற்கு அனிருத் இசையமைத்துள்ளார்.

ரத்னவேலு, ரவிவர்மன் ஒளிப்பதிவில், ஸ்ரீகர் பிரசாத் படத்தொகுப்பில் உருவாகியுள்ள இந்த படத்தை லைகா மற்றும் ரெட் ஜெயண்ட் மூவீஸ் நிறுவனங்கள் தயாரித்துள்ளன. இந்த படம் இவ்வாண்டு இறுதியில் வெளியாகும் என எதிர்பார்க்கப்படுகிறது.