உதயநிதி படத்திற்கு கமல்ஹாசன் பட பாடலின் டைட்டில்
- IndiaGlitz, [Tuesday,December 19 2017]
பிரபல இயக்குனர் சீனுராமசாமி இயக்கத்தில் உதயநிதி ஸ்டாலின் ஒரு படத்தில் நடிக்கவுள்ளார் என்று வெளியான செய்தியை கடந்த சில நாட்களுக்கு முன்னர் பார்த்தோம். இந்த படத்தில் உதயநிதி ஒரு விவசாயியாக நடிக்கவுள்ளதாகவும் கூறப்படுகிறது.
மேலும் முதல்முறையாக இந்த படத்தில் உதயநிதிக்கு ஜோடி சேருகிறார் நடிகை தமன்னா. ஏற்கனவே சீனுராமசாமியின் இயக்கத்தில் வெளிவந்த 'தர்மதுரை' படத்தில் மனதை உருக்கும் வேடத்தில் நடித்த தமன்னாவுக்கு இந்த படத்திலும் வெயிட்டான கேரக்டரை தேர்வு செய்திருப்பார் என்றே கருதப்படுகிறது.
இந்த நிலையில் இந்த படத்திற்கு 'கண்ணே கலைமானே' என்ற டைடிட்டில் வைக்கப்பட்டுள்ளது. கமல்ஹாசன், ஸ்ரீதேவி நடிப்பில் பாலுமகேந்திரா இயக்கிய 'மூன்றாம் பிறை' படத்தில் இடம்பெற்ற பாடலின் முதல் வரியே இந்த படத்தின் டைட்டிலாக அமைந்துள்ளது ஒரு சிறப்பாக கருதப்படுகிறது.
குடும்ப செண்டிமெண்ட் கலந்த இந்த படத்தின் படப்பிடிப்பு வரும் ஜனவரி 19 முதல் தொடங்குகிறது என்பது குறிப்பிடத்தக்கது.