உதயநிதியுடன் ஜோடி சேர்ந்த சிம்பு நாயகி
- IndiaGlitz, [Wednesday,July 06 2016]
அஜித், விஜய் உள்பட பல பிரபலங்களை இயக்கிய இயக்குனர் எழில் இயக்கத்தில் உதயநிதி ஸ்டாலின் ஒரு படத்தில் நடித்து தயாரிக்கவுள்ளார் என்று வெளிவந்த செய்தியினை நேற்று பார்த்தோம். இந்நிலையில் ஏற்கனவே அவர் இயக்குனர் கவுரவ் இயக்கத்தில் ஒரு படத்தில் நடிக்க திட்டமிட்டிருந்தார் என்பது குறிப்பிடத்தக்கது.
கவுரவ் இயக்கும் படத்தில் தற்போது உதயநிதிக்கு ஜோடியாக மஞ்சிமா மோகன் நடிக்கவுள்ளதாக செய்திகள் வெளிவந்துள்ளது. கவுதம்மேனன் இயக்கத்தில் சிம்புவுக்கு ஜோடியாக 'அச்சம் என்பது மடமையடா' படத்தில் ஏற்கனவே மஞ்சிமா மோகன் நடித்துள்ளார் என்பது குறிப்பிடத்தக்கது.
இந்த தகவலை இயக்குனர் கவுரவ் சமீபத்தில் அளித்த பேட்டி ஒன்று உறுதி செய்துள்ளார். திகில் படமாக உருவாகவுள்ள இந்த படத்தில் உதயநிதி, மஞ்சிமா இருவருக்குமே வித்தியாசமான வேடங்கள் என்று கூறிய கவுரவ், இந்த படத்தின் படப்பிடிப்பு வரும் ஆகஸ்ட் முதல் தொடங்கவுள்ளதாகவும் தெரிவித்துள்ளார்.
விஷாலின் 'சண்டக்கோழி 2' படத்தில் மஞ்சிமா மோகன் நடிக்கவுள்ளதாக சமீபத்தில் செய்திகள் வெளிவந்து அந்த செய்தியை மஞ்சிமா மறுத்துள்ளார் என்பது குறிப்பிடத்தக்கது.