உதயநிதியின் அடுத்த படத்தின் அப்டேட்
Tuesday, July 5, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
உதயநிதி ஸ்டாலின் நடித்த 'மனிதன்' திரைப்படம் 50 நாட்கள் திரையரங்குகளில் பெரும் வரவேற்புடன் ஓடியதோடு, அவருடைய நடிப்பும் பெரிதாக பேசப்பட்டது. இந்நிலையில் அவருடைய அடுத்த படத்தை பிரபல இயக்குனர் எழில் இயக்கவுள்ளதாக அவ்வப்போது செய்திகள் வெளிவந்து கொண்டிருந்தாலும் தற்போது அவரே தனது சமூக வலைத்தளத்தில் அதிகாரபூர்வமாக அறிவித்துள்ளார்.
உதயநிதி நடிக்கும் அடுத்த படத்தை எழில் இயக்குவது உறுதி செய்யப்பட்டிருப்பதாகவும், இந்த படத்தை ரெட் ஜெயண்ட் மூவீஸ் தயாரிக்கவுள்ளதாகவும் இந்த படத்திற்கு டி.இமான் இசையமைக்கவுள்ளதாகவும் அவருடைய சமூக வலைத்தளத்தில் பதிவு செய்யப்பட்டுள்ளது.
மேலும் உதயநிதி நடிக்கும் படங்களில் காமெடியனாக நடிக்கும் சந்தானம் தற்போது ஹீரோவாகிவிட்டதால் இந்த படத்தில் அவருடன் முதல்முறையாக சூரி இணையவுள்ளதாக செய்திகள் வெளிவந்துள்ளது. சந்தானம், விவேக்கை அடுத்து சூரியுடன் இணையும் இந்த படம் எந்த அளவுக்கு வரவேற்பை பெறுகிறது என்பதை பொறுத்திருந்து பார்ப்போம்
இந்த படத்தின் நாயகி மற்றும் நடிகர், நடிகையர், தொழில்நுட்ப கலைஞர்கள் தேர்வு நடைபெற்று வருவதாகவும், விரைவில் இதுகுறித்த அறிவிப்பு வெளிவரும் என்றும் கூறப்படுகிறது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments