கமல்ஹாசனுக்கு ஆதரவளித்த தந்தையும், மகனும்!
- IndiaGlitz, [Wednesday,July 19 2017]
உலக நாயகன் கமல்ஹாசன் அவர்கள் சமீபகாலமாக தமிழக அரசு குறித்து வெளியிட்ட தைரியமான விமர்சனங்களால் ஆத்திரம் அடைந்த ஆட்சியாளர்கள் அவரை மிரட்டும் தொனியில் நடந்து வருகின்றனர். இந்த நிலையில் கமல்ஹாசனுக்கு ஆதரவாக பலர் குரல் கொடுத்து வருகின்றனர்.
இதில் முதன்முதலில் கமலுக்கு ஆதரவாக கருத்து தெரிவித்தவர் திமுக செயல்தலைவர் மு.க.ஸ்டாலின் அவர்கள்தான். ஸ்டாலினின் ஆதரவுக்கு கமல் தனது டுவிட்டரில் நன்றி தெரிவித்திருந்தார் என்பது குறிப்பிடத்தக்கது.
இந்த நிலையில் தந்தை ஸ்டாலினை அடுத்து மகன் உதயநிதியும் கமலுக்கு ஆதரவாக தற்போது கருத்து தெரிவித்துள்ளார். இதுகுறித்து உதயநிதி கூறியதாவது: ஜனநாயகத்தில் அனைவருக்கும் தங்கள் கருத்தை பதிவு செய்யும் உரிமை உள்ளது. கருத்துக்கு பதில் கருத்து தெரிவிக்க முடியுமே தவிர, கருத்து தெரிவிப்பதை யாரும் தடை செய்ய முடியாது' என்று கூறியுள்ளார்.