திமுக பெண் வேட்பாளர் தமிழச்சி தங்கபாண்டியனுக்கு ஆதரவாக வாக்கு சேகரிக்க பிரச்சாரம் செய்த நடிகர் உதயநிதி பேச்சால், தமிழச்சி தங்கபாண்டியன் வெட்கத்தால் முகம் சிவந்த வீடியோ சமூக இணையதளங்களில் வைரலாகி வருகிறது

திமுக தலைவர் மு.க.ஸ்டாலின் சமீபத்தில் திமுக போட்டியிடும் 20 தொகுதிகளின் வேட்பாளர்களை அறிவித்தார். அதில் தென்சென்னை தொகுதியில் முன்னாள் திமுக அமைச்சர் தங்கபாண்டியன் மகள் தமிழச்சி தங்கபாண்டியன் திமுக வேட்பாளராக அறிவிக்கப்பட்டது.

வேட்பாளர் அறிவிப்பு அறிவித்த உடனே தென்சென்னையில் திமுகவினர் தீவிர பிரச்சாரத்தை தொடங்கிவிட்டனர். இந்த நிலையில் தமிழச்சி தங்கபாண்டியனுக்கு ஆதரவாக இன்று நடிகரும் மு.க.ஸ்டாலின் மகனுமான உதயநிதி பிரச்சாரம் செய்தார். அப்போது அவர், 'தென்சென்னை மக்கள் ஒரு அழகான வேட்பாளரை தவற விட்டுவிடாதீர்கள்' என்று சொன்னவுடன் தமிழச்சி தங்கபாண்டியனின் முகம் வெட்கத்தால் சிவந்தது. மேலும் தான் அழகு என்று கூறியது அவரது தமிழ் மற்றும் தமிழ் மீது அவர் வைத்துள்ள பற்றை என்று உதயநிதி விளக்கமளித்தார். உதயநிதியின் இந்த சாதுர்யமான பேச்சு பொதுமக்களை பெரிதும் கவரந்தது.