உதயநிதி ஸ்டாலின் நடிப்பில் மகிழ்திருமேனி இயக்கத்தில் ஒரு திரைப்படம் உருவாக இருப்பதாக கடந்த இரண்டு ஆண்டுகளாக செய்திகள் வெளியான நிலையில் தற்போது அந்த செய்தி உறுதி செய்யப்பட்டுள்ளது.

மகிழ் திருமேனி இயக்கத்தில் உதயநிதி நடிக்கும் படத்தின் ஃபர்ஸ்ட் லுக் மோஷன் போஸ்டர் வெளியாகி உள்ள நிலையில் இந்த போஸ்டர் தற்போது வைரலாகி வருகிறது. இந்த படத்திற்கு படக்குழுவினர் ‘கலகத்தலைவன்’ என்ற டைட்டில் வைத்துள்ளனர்.

இந்த படத்தின் மோஷன் போஸ்டரில் இருந்த இது ஒரு அதிரடி ஆக்ஷன் படம் என தெரியவருகிறது. ஏற்கனவே ’தடம்’ ‘தடையற தாக்க’ உள்பட அதிரடி ஆக்ஷன் படங்களை எடுத்த மகிழ் திருமேனியின் அடுத்த ஆக்சன் படம் இது என்பது கிட்டத்தட்ட உறுதி செய்யப்பட்டுள்ளது.

மேலும் இந்த திரைப்படத்தில் இரண்டு இசையமைப்பாளர்கள் இசையமைக்க உள்ளனர். அவர்கள் ஸ்ரீகாந்த் தேவா மற்றும் ’பிசாசு’ படத்திற்கு இசையமைத்த அரோல் கெரோலி ஆவர். மேலும் இந்த படத்தின் படப்பிடிப்பு விரைவில் தொடங்கும் என்றும் எதிர்பார்க்கப்படுகிறது.

நடிகர் உதயநிதி தற்போது மாரி செல்வராஜ் இயக்கத்தில் உருவாகிவரும் ’மாமன்னன்’ என்ற திரைப்படத்தில் நடித்து வருகிறார். இந்த படத்தின் படப்பிடிப்பு முடிந்ததும் அவர் ‘கலகத்தலைவன்’ படத்தில் நடிப்பார் என்று எதிர்பார்க்கப்படுகிறது.