உதயநிதி ஸ்டாலின் நடிப்பில் மாரி செல்வராஜ் இயக்கத்தில் உருவாகிய ‘மாமன்னன்’ திரைப்படம் இன்று வெளியாகி பாசிட்டிவ் விமர்சனங்களை பெற்று வரும் நிலையில் இன்று சென்னையில் படம் பார்த்த உதயநிதி செய்தியாளர்களுக்கு பேட்டி அளித்தார். அப்போது ’இந்த படம் தனக்கு முழு திருப்தியை கொடுத்துள்ளதாகவும், இந்த படம் தனது ஆசையை முழுவதுமாக பூர்த்தி செய்து விட்டதாகவும், அதனால் இனிமேல் படங்களில் வைக்க வாய்ப்பு இல்லை, வாய்ப்பே இல்லை’ என்றும் சிரித்துக் கொண்டே கூறினார்.

மேலும் இந்த படத்தின் வெற்றிக்கு மாரி செல்வராஜ் மற்றும் அவரது எழுத்துதான் காரணம் என்றும், அதேபோல் பகத் பாசில், வடிவேலு, ஏஆர் ரஹ்மான், கீர்த்தி சுரேஷ் ஆகியோர்களும் இந்த படத்திற்கு வெற்றிக்கு காரணம் என்றும் அனைவரது ஏழு மாத உழைப்பை எல்லோரும் கொண்டாடுவதை பார்க்க மகிழ்ச்சியாக உள்ளது என்றும், அனைவருக்கும் எனது நன்றி என்றும் தெரிவித்தார்.

அதேபோல மாரி செல்வராஜ் கூறிய போது ’இந்த கதையை எடுக்க முதலில் எனக்கு பயமாக இருந்தது, ஆனால் உதயநிதி ஸ்டாலின் ஒப்புக்கொண்டதை அடுத்து நான் கேட்ட அனைத்தையும் அவர் செய்து கொடுத்தார். அவருக்கு எனது நன்றி’ என்று தெரிவித்தார்