நடிகர் சிம்பு பாடிய பாடல் வெளியீட்டு விழா நேற்று நடைபெற்ற நிலையில் இந்த விழாவில் நடிகர், தயாரிப்பாளர் மற்றும் எம்எல்ஏ உதயநிதி கலந்துகொண்டு படக்குழுவினர்களுக்கு வாழ்த்து தெரிவித்தார்.

பிரபல இயக்குனர் லிங்குசாமி இயக்கத்தில் ராம் பொத்தினேனி நடிப்பில் உருவாகி வரும் திரைப்படம் ’தி வாரியர்’. தமிழ் தெலுங்கு மொழியில் உருவாகி வரும் இந்த படத்தில் இடம்பெற்ற ஒரு பாடலை சிம்பு பாடியிருந்தார். இந்த பாடல் வெளியீட்டு விழா நேற்று சென்னையில் நடைபெற்றது. இந்த விழாவில் உதயநிதி ஸ்டாலின் கலந்துகொண்டு படக்குழுவினர்களுக்கு வாழ்த்து தெரிவித்தார்.

‘தி வாரியர்’ படத்தின் இசை வெளியீட்டு உரிமையை பெற்றுள்ள ஆதித்யா மியூசிக் நிறுவனம், இந்த படத்தின் மூலம் தமிழ் திரையுலகில் நுழைவதை பெருமையாகக் கருதுகிறோம் என்று தெரிவித்துள்ளது.

தமிழ் தெலுங்கு ஆகிய இரண்டு மொழிகளிலும் சிம்பு பாடிய ’புல்லட்’ பாடல் தற்போது இணையதளங்களில் வைரலாக வருகிறது. மேலும் ‘தி வாரியர்’ திரைப்படம் வரும் ஜூலை 14-ஆம் தேதி திரையரங்குகளில் பிரமாண்டமாக வெளியாக உள்ளது என்பது குறிப்பிடத்தக்கது.