திருவாரூர் திமுக வேட்பாளராக பிரபல நடிகர்?
- IndiaGlitz, [Thursday,January 03 2019]
திருவாரூரில் வரும் 28ஆம் தேதி இடைத்தேர்தல் என அறிவிக்கப்பட்டு இன்று முதல் வேட்புமனு தாக்கலும் தொடங்கிவிட்டது இந்த நிலையில் இந்த தொகுதியில் திமுக வெற்றி பெற்றே ஆகவேண்டும் என்ற நெருக்கடி இருப்பதால் இந்த தொகுதியில் திமுக பிரபலம் ஒருவர்தான் போட்டியிட வாய்ப்பு அதிகம் என திமுக வட்டாரங்கள் கூறுகின்றன.
இந்த நிலையில் இந்த தொகுதியில் திமுக தலைவர் மு.க.ஸ்டாலினே போட்டியிடலாம் என்றும் கூறப்பட்டது. இதுகுறித்து நேற்று பேட்டியளித்த ஸ்டாலின், 'நாளை மாலை 5 மணிக்கு திமுக வேட்பாளர் யார் என்பது குறித்து அறிவிக்கப்படும். அப்போது அந்த தொகுதியில் போட்டியிடுவது நானா? துரைமுருகனா? அல்லது டி.ஆர்.பாலுவா? என்பதை தெரிந்து கொள்ளலாம் என்று கூறினார்.
இந்த நிலையில் திருவாரூர் தொகுதி இடைத்தேர்தலில் பிரபல நடிகர் உதயநிதி ஸ்டாலின் போட்டியிட விருப்பம் தெரிவித்து அவரது ரசிகர்கள் சார்பில் திமுக தலைமை கழகத்தில் விருப்ப மனு தாக்கல் செய்துள்ளதாக தகவல்கள் வெளிவந்துள்ளது. உதயநிதி ஸ்டாலின் திருவாரூர் தொகுதி திமுக வேட்பாளராக அறிவிக்கப்படுவாரா? என்பதை பொறுத்திருந்து பார்ப்போம்