உதயநிதியின் 'மாமன்னன்' ரிலீஸ் தேதி இதுவா? பிரபல நடிகரின் படத்துடன் மோதுகிறதா?
- IndiaGlitz, [Tuesday,April 18 2023]
உதயநிதி ஸ்டாலின் நடிப்பில், மாரி செல்வராஜ் இயக்கத்தில் உருவான ‘மாமன்னன்’ என்ற திரைப்படத்தின் படப்பிடிப்பு மற்றும் போஸ்ட் புரொடக்ஷன் பணிகள் முடிவடைந்து ரிலீசுக்கு தயாராக இருக்கும் நிலையில் இந்த படத்தின் ரிலீஸ் தேதி விரைவில் அறிவிக்கப்படும் என்று எதிர்பார்க்கப்படுகிறது.
இந்த நிலையில் ‘மாமன்னன்’ படத்தை வரும் ஜூன் மாதம் பக்ரீத் திருநாளில் வெளியிட படக்குழுவினர் திட்டமிட்டு இருப்பதாகவும் இதற்கான அறிவிப்பு விரைவில் வெளியாகும் என்றும் கூறப்படுகிறது.
இந்த நிலையில் இதே தினத்தில் ஏற்கனவே தனது ’மாவீரன் ’படத்தை ரிலீஸ் செய்ய சிவகார்த்திகேயன் திட்டமிட்டு இருந்த நிலையில் ‘மாமன்னன்’ மற்றும் ’மாவீரன்’ ஆகிய இரண்டு படங்களும் ஒரே நாளில் வெளியாக அதிக வாய்ப்பு இருப்பதாக கூறப்படுகிறது.
உதயநிதி ஸ்டாலின் அமைச்சர் ஆவதற்கு முன்பே படப்பிடிப்பு முடிந்துவிட்ட ‘மாமன்னன்’ திரைப்படத்தில் அவருக்கு ஜோடியாக கீர்த்தி சுரேஷ் நடித்துள்ளார். மேலும் இந்த படத்தின் முக்கிய கேரக்டர்களில் பகத் பாசில், வடிவேலு ஆகியோர் நடித்துள்ளனர். இசைப்புயல் ஏஆர் ரஹ்மான் இந்த படத்துக்கு இசையமைத்துள்ளார் என்பது குறிப்பிடத்தக்கது.