'ஒருகல் ஒரு கண்ணாடி, 'நண்பேண்டா', இது கதிர்வேலன் காதல்' ஆகிய படங்களில் நடித்து வந்த இளையதலைமுறை நடிகர்களில் ஒருவரான உதயநிதி ஸ்டாலின், தற்போது கெத்து என்ற படத்தில் நடித்து வருகிறார். கடந்த சில மாதங்களாக விறுவிறுப்பாக நடைபெற்ற வந்த இந்த படத்தின் படப்பிடிப்பு தற்போது இறுதிக்கட்டத்தை அடைந்துள்ளதாக கூறப்படுகிறது.

'கெத்து' படப்பிடிப்பு குறித்து தனது சமூக வலைத்தில் உதயநிதி கூறியபோது, 'இந்த படத்தின் வசனக்காட்சிகளின் படப்பிடிப்பு முற்றிலும் முடிந்துவிட்டது. எமிஜாக்சனுடன் மூன்று பாடல்களின் படப்பிடிப்பு மட்டுமே மீதி உள்ளது. மூன்று பாடல்களும் விரைவில் படமாக்கப்படும். வரும் டிசம்பர் 18ஆம் தேதி படத்தை திரையிட முயற்சிகள் நடைபெற்று வருகிறது' என கூறியுள்ளார்.

உதயநிதி ஸ்டாலின், எமி ஜாக்சன், விக்ராந்த், சத்யராஜ், கருணாகரன் உள்பட பலர் நடித்து வரும் இந்த படத்தை திருக்குமரன் இயக்கி வருகிறார். உதயநிதியின் ரெட் ஜெயண்ட் மூவீஸ் தயாரிக்கும் இந்த படத்திற்கு ஹாரீஸ் ஜெயராஜ் இசையமைக்கின்றார். சந்தானம் இல்லாத முதல் உதயநிதி படம் இது என்பது குறிப்பிடத்தக்கது. இந்த படத்தின் காமெடி நடிகராக கருணாகரன் நடித்து வருகிறார். விக்ராந்த் இந்த படத்தில் வித்தியாசமான வில்லனாக நடித்து வருவதாகவும் கூறப்படுகிறது.