தீப்பெட்டி கணேசன் உடலுக்கு நேரில் அஞ்சலி செலுத்திய உதயநிதி ஸ்டாலின்!
- IndiaGlitz, [Monday,March 22 2021]
தமிழ் திரையுலகின் பிரபல காமெடி நடிகர்களில் ஒருவரான தீப்பெட்டி கணேசன் இன்று காலை உயிரிழந்தார் என்ற செய்தி திரையுலகை அதிர்ச்சியில் செய்தது
ரேணிகுண்டா உள்பட பல திரைப்படங்களில் நடித்த தீப்பெட்டி கணேசன் கடந்த சில நாட்களாக உடல் நலமின்றி இருந்ததாகவும் இதனை அடுத்து அவர் மதுரை ராஜாஜி அரசு மருத்துவமனையில் சிகிச்சை பெற்றதாகவும் தகவல்கள் வெளிவந்தன. இந்த நிலையில் இன்று காலை அவர் சிகிச்சை பலனின்றி உயிரிழந்தார். இதனை அடுத்து திரையுலகினர் பலரும் இரங்கல் தெரிவித்தனர் என்பதும் இயக்குனர் சீனு ராமசாமி உள்பட பலர் தங்கள் சமூக வலைதளங்களில் தங்கள் வருத்தத்தை தெரிவித்தனர் என்பது குறிப்பிடத்தக்கது
இந்தநிலையில் மாரடைப்பால் மதுரையில் உயிரிழந்த காமெடி நடிகர் தீப்பெட்டி கணேசன் உடலுக்கு நடிகர் உதயநிதி ஸ்டாலின் நேரில் சென்று அஞ்சலி செலுத்தினார். சீனு ராமசாமி இயக்கத்தில் உதயநிதி நடித்த ’கண்ணே கலைமானே’ என்ற திரைப்படத்தில் தீப்பெட்டி கணேசன் ஒரு முக்கிய கேரக்டரில் நடித்து இருந்தார் என்பதும் அப்போது அவர் உதயநிதியுடன் நெருக்கமானார் என்பதும் குறிப்பிடத்தக்கது
தீப்பெட்டி கணேசன் உடலுக்கு அஞ்சலி செலுத்திய உதயநிதி ஸ்டாலின், அவரது குடும்பத்தாருக்கு ஆறுதல் கூறினார் என்பது குறிப்பிடத்தக்கது