இளையதளபதி விஜய் நடித்த 'மெர்சல்' திரைப்படம் முதலில் கலவையான விமர்சனங்களை பெற்றாலும் தமிழிசை மற்றும் ஹெச்.ராஜா புண்ணியத்தில் சூப்பர் ஹிட்டாகி தற்போது ரூ.200 கோடிக்கும் மேல் வசூலையும் பெற்றுவிட்டது

இந்த நிலையில் உதயநிதி ஸ்டாலின் நடித்துள்ள 'இப்படை வெல்லும்' திரைப்படம் வரும் 9ஆம் தேதி வெளியாகவுள்ளது. இந்த படம் குறித்து கருத்து தெரிவித்துள்ள உதயநிதி ஸ்டாலின், 'மெர்சல் படத்திற்கு முழு புரமோஷன் கொடுத்தது பாஜகதான். அதேபோல் என்னுடைய 'இப்படை வெல்லும்' படத்திற்கும் ஹெச்.ராஜா, தமிழிசையை பேச வைக்கலாம்ன்னு நினைக்கிறேன்' என்று கூறியுள்ளார்

இதற்கு பதிலளித்துள்ள ஹெச்.ராஜா, 'ஒன்னும் ப்ரயோஜனம் இல்லை. நாங்க உதவினாலும் படம் ஓடாதாம்' என்று தனது சமூக வலைத்தளத்தில் கூறியுள்ளார். தமிழகத்தில் ஆட்சியை பிடிக்க பாஜக திட்டமிட்டு கொண்டிருக்கும் நிலையில் அக்கட்சியை திரைப்படங்களின் புரமோஷன் கருவியாக கோலிவுட் திரையுலகினர் பார்த்துவருகின்றனர் என்பது குறிப்பிடத்தக்கது.