హీరో ఉద‌య్ కిర‌ణ్ అరెస్ట్ అన‌గానే ఉద‌య్ కిర‌ణ్ చ‌నిపోయాడు క‌దా...ఇదేదో త‌ప్పుగా రాసారు అనుకుంటే పొర‌పాటే. విష‌యం ఏమిటంటే..ఫేస్ బుక్ సినిమాలో న‌టించిన హీరో పేరు కూడా ఉద‌య్ కిర‌ణే. నిన్న రాత్రి జూబ్లీహిల్స్ లోని ఓ హోట‌ల్ లోప‌ల‌కి అనుమ‌తించ‌డం లేద‌ని ఉద‌య్ కిర‌ణ్ హోట‌ల్ సిబ్బందిని తిట్ట‌డంతోపాటు కొట్టాడ‌ట. అంతే కాదు హోట‌ల్ ఫ‌ర్నిచ‌ర్ ను కూడా ధ్వంసం చేసాడు.

అయితే ఈరోజు ఉద‌యం హోట‌ల్ యాజ‌మాన్యం ఉద‌య్ కిర‌ణ్ పై పోలీసుల‌కు ఫిర్యాదు చేసారు. రంగంలో దిగిన పోలీసులు ఉద‌య్ కిర‌ణ్ ను ప‌ట్టుకుని విచార‌ణ జ‌రుపుతున్నారు. సి.సి కెమెరాల్లో ఉద‌య్ కిర‌ణ్ వీరంగం అంతా క్లియ‌ర్ గా క‌నిపిస్తుంటే...ఉద‌య్ కిర‌ణ్ మాత్రం నేను అస‌లు రాత్రి హైద‌రాబాద్లో లేన‌ని..ముంబాయిలో ఉన్నాన‌ని, కావాలంటే నా కారులో ఫ్లైయిట్ టిక్కెట్ కూడా ఉంది చూసుకోండి అంటూ నోటికొచ్చిన‌ట్టు మాట్లాడుతున్నాడు. గ‌తంలో ఉద‌య్ కిర‌ణ్ పై డ్ర‌గ్స్ కేసు కూడా ఉంద‌ట‌. మ‌రి...సిసి కెమెరా విజువ‌ల్స్ చూపిస్తే ఏమంటాడో ఉద‌య్ కిర‌ణ్..?