டிக்டாக் வீடியோவுக்காக பைக்கில் பயணம்: விபத்து ஏற்பட்டு உயிரிழப்பு
- IndiaGlitz, [Saturday,January 25 2020]
மிகக் குறுகிய காலத்தில் இளைஞர்கள் பலரை கவர்ந்தது டிக்டாக்வீடியோ என்று கூறினால் அது மிகையாகாது. குறிப்பாக இளம்பெண்கள் பலர் இந்த டிக்டாக் வீடியோவுக்கு அடிமையாகி உள்ளது அவர்களது குடும்பத்தினரை கவலையில் ஆழ்த்தியுள்ளது.
இந்த நிலையில் ஆபத்தான நிலையில் டிக் டாக் வீடியோ எடுக்கும் சிலர் உயிரிழக்கும் சம்பவங்களும் நடந்து வருகின்றன என்பது குறித்த செய்திகளை அவ்வப்போது பார்த்து வருகிறோம். இந்த நிலையில் சமீபத்தில் இரண்டு வாலிபர்கள் வேகமாக பைக்கில் சென்று கொண்டிருந்தபோதே டிக்டாக் வீடியோவை எடுத்துள்ளனர்.
இந்த நிலையில் எதிர்பாராத வகையில் அந்த வாலிபர்கள் சென்ற பைக் திடீரென விபத்துக்குள்ளாகியது. இதில் இரண்டு இளைஞர்களுக்கும் படுகாயம் ஏற்பட்டதால் இருவரும் மருத்துவமனையில் அனுமதிக்கப்பட்டுள்ளனர் இதில் ஒருவர் சிகிச்சை பலனின்றி பலனின்றி மரணமடைந்தார். மற்றொருவர் உயிருக்கு ஆபத்தான நிலையில் சிகிச்சை பெற்று வருகிறார் டிக்டாக்வீடியோ எடுத்துக்கொண்டே பைக்கில் சென்றதால் பரிதாபமாக ஒரு உயிர் பலியாகியுள்ளது பெரும் சோகத்தை ஏற்படுத்தியுள்ளது.