திருமணம் நடத்தி வைத்த அர்ச்சகருடன் புதுமணப்பெண் ஓட்டம்: அதிர்ச்சியில் மணமகன்!
- IndiaGlitz, [Friday,May 31 2019]
மத்திய பிரதேசம் மாநிலத்தில் உள்ள சிரோஞ்ச் என்ற பகுதியில் கடந்த 7ஆம் தேதி ரீனாபாய் என்பவருக்கு ஒரு இளைஞருடன் திருமணம் நடைபெற்றது. இந்த திருமணத்தை வினோத் மஹாராஜ் என்ற அர்ச்சகர் நடத்தி வைத்தார். இந்த நிலையில் திருமணம் முடிந்த 16வது நாள் புதுப்பெண் ரீனாவை திடீரென காணவில்லை. இதனையடுத்து அதிர்ச்சி அடைந்த புதுமாப்பிள்ளை இதுகுறித்து போலீசில் புகார் செய்தார்.
இந்த நிலையில் ரீனாவின் திருமணத்தை நடத்தி வைத்த அர்ச்சகரையும் காணவில்லை என்ற தகவல் வெளியானது. இதனையடுத்து போலீசாரின் முதல்கட்ட விசாரணையில் ரீனாவுக்கும் அர்ச்சகர் வினோத்துக்கும் ஏற்கனவே தொடர்பு இருந்தது தெரிய வந்தது. மேலும் புதுப்பெண் தான் போட்டு வந்த ரூ.1.5 லட்சம் மதிப்புள்ள நகைகளையும், ரூ.30 ஆயிரம் பணத்தையும் எடுத்து கொண்டு சென்றுவிட்டதாகவும் தெரிகிறது.
இதில் ஒரு பெரிய கொடுமை என்னவெனில் அர்ச்சகர் வினோத்துக்கு ஏற்கனவே திருமணமாகி இரண்டு குழந்தைகள் உள்ளனர் என்பது குறிப்பிடத்தக்கது