டெல்லியில் கடந்த மார்ச் 13 முதல் 15 வரை நடைபெற்ற மத மாநாட்டில் தமிழகம் உள்பட பல மாநிலங்களில் இருந்து ஆயிரக்கணக்கானோர் கலந்து கொண்ட நிலையில் இந்த மாநாட்டில் கலந்து கொண்டு தமிழகம் திரும்பிய 45 பேர்களுக்கு கொரோனா தொற்று உறுதியாகியுள்ளது என்ற செய்தியை ஏற்கனவே பார்த்தோம்

இந்த நிலையில் நமது அண்டை மாநிலமான புதுவையில் இருந்து டெல்லி மாநாட்டில் கலந்து கொண்டு திரும்பிய இருவருக்கு கொரோனா பாதிப்பு உறுதி செய்யப்பட்டுள்ளது. இதனையடுத்து புதுவையில் கொரோனா பாதித்தவர்களின் எண்ணிக்கை 3ஆக உயர்ந்துள்ளது. சமீபத்தில் கொரோனா தொற்று ஏற்பட்டு குணமடைந்த பெண் வீடு திரும்பிய நிலையில், புதிதாக 2 பேருக்கு கொரோனா பாதிப்பு ஏற்பட்டிருப்பது புதுவை மக்களை அதிர்ச்சி அடைய செய்துள்ளது.

இதனையடுத்து டெல்லி சென்று திரும்பிய கொரோனா பாதிக்கப்பட்டவர்கள்புதுச்சேரி அரியாங்குப்பம் பகுதியை சேர்ந்தவர்கள் என்பதால் அந்த பகுதி முழுவதும் போலீசார் கட்டுப்பாட்டுக்குள் கொண்டு வரப்பட்டு உள்ளது என்பது குறிப்பிடத்தக்கது