ద‌ర్శ‌క ధీరుడు ఎస్‌.ఎస్‌.రాజ‌మౌళి, యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రాంచ‌ర‌ణ్ కాంబినేష‌న్‌లో రూపొందుతోన్న భారీ బ‌డ్జెట్ చిత్రం 'RRR'. దాన‌య్య నిర్మిస్తోన్న ఈ సినిమా రెండో షెడ్యూల్ చిత్రీక‌ర‌ణ‌ను పూర్తి చేసుకుంది. ఈ నెల‌లోనే మూడో షెడ్యూల్‌కి రెడీ అవుతుంది. 450 కోట్ల బ‌డ్జెట్‌తో రూపొందుతోన్న ఈ సినిమాపై భారీ అంచ‌నాలు నెల‌కొన్నాయి.

ఇప్పటికే ఈ సినిమాలో బాలీవుడ్‌స్టార్స్ ఆలియా భ‌ట్‌, అజ‌య్ దేవ‌గ‌ణ్ న‌టిస్తున్న సంగ‌తి తెలిసిందే. కాగా ఇప్పుడు రాజ‌మౌళి మ‌రో ఇద్ద‌రిని కూడా యూనిట్‌లోకి తేవ‌డానికి చ‌ర్చ‌లు జ‌రుపుతున్నాడ‌ని వార్త‌లు విన‌ప‌డుతున్నాయి.

వార్త‌ల ప్ర‌కారం సంజ‌య్ ద‌త్‌, వ‌రుణ్ ధావ‌న్‌ల‌లో రాజ‌మౌళి చ‌ర్చ‌లు జ‌రుపుతున్నాడ‌ట‌. అంతా ఓకే సినిమా రేంజ్ బాలీవుడ్‌లో మ‌రింత పెరుగుతుంద‌న‌డంలో సందేహం లేదు. ఈ చిత్రాన్ని జూలై 30, 2020లో విడుద‌ల చేయ‌డానికి ప్లాన్స్ చేస్తున్నారు.